Otorite Ikrèn yo fè konnen se dwon ke Iran fabrike, ke LaRisi te anplwaye pou lanse atak kamikaz la. Dwon sa yo fèt pou al kraze sou pozisyon ke yo vize a.
Prezidan Volodymyr Zelensky di sou Telegram: « Tout lannwit ak tout maten an, lènmi an teworize popilasyon sivil la, » Li ajoute: “lènmi ka atake vil nou yo men yo p ap ka kraze volonte nou.”
Majistra Kyèv la Vitaly Klichko fè konnen ke pami zòn ki pran frap yo, gen distri santral Schevchenko, menm zòn kote misil ris te atake semèn pase a nan kad frap aeryen k ap fèt sou tout peyi a.
