Accessibility links

Breaking News

Mwayen Oryan

Iran: Inyon Ewòp la Jwenn Yon Akò pou Sanksyone Moun ki Responsab Represyon Kont Manifestan yo

Iran Anatomy of Protest
Iran Anatomy of Protest

Dapre sous diplomatik yo, 27 manm peyi inyon ewopeyen yo dakò sou desisyon pou yo sanksyone tout otorite nan Iran ki enplike nan zak represyon kont manifestan yo.

Yo deside pou yo pran sanksyon kont ofisyèl iranyen ki sitou ki enplike nan deblozay kont manifestasyon ki te pwovoke lanmò Mahsa Amini.

Mahsa Amini, ki gen 22 zan, te pèdi lavi l, apre arestasyon li nan Teheran poutèt li te abiye yon jan ki pa nan santiman otorite yo. Li te tonbe nan koma pandan li te nan prizon.

Akò politik anbasadè yo nan Brussels dwe konfime pa minis afè etranjè Inyon Ewopeyen yo pandan reyinyon yo nan Lendi nan Liksanbou, dapre sa menm sous yo te di.

See all News Updates of the Day

Houthi Revandike Atak sou yon Bato Kago Wayòm Ini

ISRAEL-PALESTINIANS/SHIPPING-REDSEA
ISRAEL-PALESTINIANS/SHIPPING-REDSEA

Houthi ki aliyen ak Iran revandike responsablite pou atak sou yon bato kago Wayòm Ini ak yon atak dronn sou yon destroyer ameriken ayè jedi a, e yo lanse misil balistik ak dronn ki te vize vil Eilat ki gen yon pò ak yon vil vakans.

Yon reprezantan Houthi yo bay deklarasyon sou media sosyal X touswit apre lidè gwoup la te fin di li ap ogmante atak sou bato nan Lanmè Wouj la ak lòt dlo – pami atak sa yo gen ki ap fèt ak nouvo zam pou anba lanmè – e li di li ap imite operasyon militè Izrayèl nan Gaza.

Gwoup-la lanse atak ki deranje komès nan Kanal Suez, yon wout dekoupe pou apeprè 12 pousan trafik mondyal sou lanmè, sa ki fòse bato yo fè wout pi long, kontoune Afrik, sa ki koute plis lajan.

Izrayèl Frape ak Dronn Atak nan vil Jenin ki nan Sisjòdani

Israel Palestinians
Israel Palestinians

Lame Izrayèl la di jodi vandredi a li lanse yon frap dronn nan vil Jenin ki nan Sisjòdani okipe, yè jedi swa, kote li di li touye sa li sispèk kòm yon militan gwoup Jihad Islamik la.

Yon deklarasyon lame a di Yasser Hanoun te sou wout pou al lanse yon atak ak zam. Lame-a di Hanoun te konn enplike deja nan atak Jihad Islamik.

Sisjòdani wè plis vyolans depi atak ke Hamas te lanse 7 Oktob pase sou Izrayèl.

Yon lòt kote, prensipal anvwaye Nasyon Zini nan Mwayenn Oryan an di Konsèy Sekirite l-ONU an ke apre yon vizit nan Gaza semenn sa a, sa l wè se bagay ki “chokan e ensipòtab.”

“Mwen paka ensiste ase pou yon kanpo imanitè ijan nan batay-yo ak liberasyon otaj-yo,” se sa Tor Wennesland di Konsèy la ayè jedi a etan nan Jerizalem.

Madi, konsèy la ki gen 15 nasyon pa te reyisi adopte yon rezolisyon pou yon kanpo imanitè touswit, akoz Etazini te mete veto sou li. 13 manm Konsèy la te sipòte tèks la ke Aljeri te pwopoze, pandan Grand Bretay pa te vote.

Izrayel di Li Pap Peye pou Liberasyon Otaj Hamas Kenbe nan Gaza

Izrayel di Li Pap Peye pou Liberasyon Otaj Hamas Kenbe nan Gaza
please wait

No media source currently available

0:00 0:03:01 0:00

Izrayel di li pap peye Hamas pou liberasyon otaj li kenbe nan Gaza yo. Jeanty Augustin Jr. gen detay.

Etazini Poze Veto sou Rezolisyon Peyi Arab yo te Prezante Devan Konsey Sekirite LONU pou Mande yon Seselfe Tou Suit nan Gaza

Etazini Poze Veto sou Rezolisyon Peyi Arab yo te Prezante Devan Konsey Sekirite LONU pou Mande yon Seselfe Tou Suit nan Gaza
please wait

No media source currently available

0:00 0:03:46 0:00

Etazini poze veto li sou rezolisyon peyi Arab yo prezante nan konsey sekirite Nasyonzini an pou mande yon seselfe imanite tou suit nan Gaza.

Izrayèl Di Gen Gwo Batay nan Khan Younis la nan Gaza

Israel Palestinians
Israel Palestinians

Lame Izrayèl rapòte jodi madi a gwo batay nan zonn Khan Younis nan Gaza, nan moman Konsèy Sekirite l-ONU an pare pou vote sou yon rezolisyon ke Aljeri te ekri ki mande yon kanpo touswit nan batay yo, ki mande tou plis fasilite pou èd antre e ki rejte deplasman Palestinyen palafòs.

Anbasadè Etazini nan l-ONU Linda Thomas-Greenfield fè konnen Etazini ta sèvi ak dwa veto li pou bloke rezolisyon an ki, dapre anbasadè a, ka jennen efò medyasyon yo.

Anvan vòt sou tèks Aljeri a, Etazini te fè sikile pwòp tèks rezolisyon pa li bay manm konsèy yo.

LaVwadlamerik te wè pwojè rezolisyon an ki ensiste sou liberasyon otaj ki anba men Hamas, e fè wè ke “gen bezwen ijan pou yon bon jan plan” pou pwoteje sivil anba yon ofansiv Izrayèl nan Rafah.

Load more

XS
SM
MD
LG