Pri Nobel Lapè ane sa a al jwenn 3 loreya : Ales Bialiatski, youn nan moun ki te anchaje mouvman demokrasi ki te parèt nan Byelorisi nan mitan ane 1980-yo – ak 2 gwoup k ap defan dwa moun – an palan de Sant pou Libète Sivik ki se yon gwoup nan Ikrèn, ak Memorial, ki se yon gwoup nan LaRisi.
Tou le 3 loreya Pri Nobel yo reprezante peyi ki te nan ansyen Inyon Sovyetik la.
Pri Nobel Lapè ane pase a t al jwenn Maria Ressa, moun Filipin, ak Dmitry Muratov, yon Ris. 2 moun sa yo te resevwa pri a, dapre Komite Nobel la, pou efò yo pou pwoteje libète ekspresyon kòm kondisyon pou demokrasi ak lapè dirab.
Pri a mache ak preske yon milyon dola ak yon meday lò 18 kara.
