Accessibility links

Breaking News

Burkina: 2èm Koudeta nan 8 Mwa


BURKINA-SECURITY/

Peyi Burkina Faso ki nan kontinan Afriken an fè eksperyans ak yon dezyèm koudeta nan 8 mwa.

Lyetnan-Kolonèl Paul-Henri Sandaogo Damiba, ki te vin pran pouvwa a nan fen mwa janvye a apre lame a, ke li tap dirije, te bay ansyen prezidan an yon koudeta, deside ba li yon koudeta pou yo retire li sou chèz boure a.

Se te yon jounen chaje ak katouch ki tap chante nan katye prezidansyel la nan Ouagadougou, yon ti tan anvan 8:00 pm (GMT ak lokal). Anviwon 15 sòlda kagoule te pale ak popilayon an, sou plato radyo ak televizyon nasyonal la.

Sòlda yo deklare: " Nou retire Lyètnan-Kolonèl Damiba kòm prezidan Mouvman Patriyotik pou Sovgad ak Retablisman" (MPSR, ki se kò ki dirije jent a).

Nouvo moun nou nonmen kòm prezidan MPSR a, se Kòmandan Ibrahim Traoré.

Burkina Faso - Le president de la transition, Lt.Col Paul -Henry Damiba
Burkina Faso - Le president de la transition, Lt.Col Paul -Henry Damiba

Sò ansye prezidan Damiba rete enkoni jiska vandredi swa.

Puchis yo te anonse tou ke yo pran desisyon pou yo fèmen fwontyè atè ak ayeryen peyi a apati minwi, e yo sispann konstitisyon an epi disoud gouvènman an ak Asanble Lejislatif Tranzisyon an.

Yon kouvrefe an aplikasyon soti 9:00 p.m. pou rive 5:00 a.m..

XS
SM
MD
LG