Accessibility links

Breaking News

Yon Tifi Mouri Pandan Li T ap Eseye Travèse Rivyè Rio Grande pou Antre Texas


Foto Achiv: Rivye Rio Grande a, 6 Out, 2022.

MEXICO CITY — Yon ti fi 5-lane mouri nwaye la pandan li t ap eseye travèse rivyè Rio Grande pou li antre Texas dapre enfòmasyon Enstiti Nasyonal Imigrasyon peyi Meksik anonse Madi, 23 Out la.

Ti fi a t ap eseye travèse rivyè a ak manman li nan Lendi, lè kouran dlo a ale ak yo. Enstiti a fè konnen manman ak pitit la sòti nan zòn Amerik Santral la, men yo pa presize nan ki peyi.

Manman an eksplike sekouris yo li te kenbe pitit fi li a, men kouran dlo a rale pitit la nan bra l.

Yo jwenn kadav timoun lan bo ba rivyè a, tou pre Ciudad Juarez, pa lòt bò fwontyè El Paso, Texas.

Yo jwenn tou pre a tou, 4 lòt imigran ki soti nan zòn Amerik di Sid la ke rivyè a ta bwote. Yo mete yon lòt kote an sekirite.

XS
SM
MD
LG