Accessibility links

Breaking News

Prezidansyèl nan Brezil: Lula ap Mennen men Bolsonaro Redwi Diferans lan Dapre Sondaj


Brasil - eleiçōes 2022 - toalhas com a cara dos candidatos presidenciais Lula da Silva e Jair Bolsonaro

Ansyen prezidan de goch Brezilyen Luiz Inacio Lula da Silva gen yon avantaj 15 pwen sou aktyèl prezidan ekstrèm dwat la Jair Bolsonaro, men dapre sa sondaj yo di, Bolsonara kòmanse ap redwi eka ki genyen ant yo a.

Eleksyon sa yo gen pou fèt nan dat 2 oktòb 2022.

Dapre enstiti Datafolha ki fè sondaj, Lula ap mennen ak 47% sou teren a, Mesye Bolsonaro monte ak 32% kont 29% li te gen anvan.

Avantaj pwen Lula sou prezidan sòtan an ap redwi anpil apre Bolsonaro te selman genyen 21 pwen dapre sondaj yo nan mwa Me a. Tou 2 kandida yo te lanse kanpay yo Madi.

Gouvènman Jair Bolsonaro nan mwa sa ogmante asistans sosyal pou moun ki pi vilnerab yo, e li te bese taks sou gaz pou anpeche pri yo monte.

Datafolha, ki te entèvyouve 5,744 moun nan 281 vil nan peyi Brezil ant madi ak jedi ak yon maj erè nan 2%, kwè ke Lula gen yon chans pou genyen eleksyon prezidansyèl sa "ak on sel kout kle" ki vle di depi nan premye tou.

Dapre men entèvyou sa si ta gen yon dezyèm tou, kandida goch la p genyen ak 54% kont 37% pou Jair Bolsonaro.

XS
SM
MD
LG