Accessibility links

Breaking News

Mwayen Oryan

Izrael ak Militan Gaza yo Twoke Kout Zam

Timoun kriye pandan fineray Palestinyen Tamim Hijazi ki mouri nan yon atak ayeryen Izraelyen nan Khan Younis, 6 Out, 2022.

Dènye konfwontasyon ant Izrael ak militan Gaza yo antre nan dezyèm jounen li pandan ke avyon Izraelyen yo ap frape sib nan Gaza epi atak ak fize ap pèsiste nan sid Izrael.

Otorite Palestinyen yo di gen omwens 15 moun ki mouri nan Gaza, pami yo yon lidè militan wo plase ak yon tifi 5 an.

Bagay la te komanse ak atak Izrael la ki te sible militan an - yon komandan wo plase Jihad Islamik Palestinyen an - Vandredi.

Lidè Hamas yo sanble yap swiv jiskaprezan, ki lakoz entansite konfli a pa ogmante - pou kounyea.

Izrael ak gwoup militan Hamas Palestinyen an fè lagè 4 fwa deja epi goumen nan batay mwen sevè plizyè fwa pandan 15 zan ki pase yo.

See all News Updates of the Day

Iran: Pwotestasyon kont Gouvènman an Apre Lanmò Mahsa Amini

Demonstrators light a fire during a protest over the death of Mahsa Amini while in custody of Iran's "morality police," in Tehran, Sept. 21, 2022. (West Asia News Agency via Reuters)

Vedèt pri Oscar ameriken, Marion Cotillard ak Juliette Binoche, ansanm ak lòt vedèt ekran ak mizik an Frans, te filme tèt yo ki t ap koupe branch cheve yo nan yon video ke yo poste mèkredi pou sipòte manifestan nan Iran.

Video a parèt sou Twitter nan hashtag HairFreedom, pandan Iran ap fè fas ak pwotestasyon kont gouvènman an depi lanmò Mahsa Amini ki te gen 22 lane, apre arestasyon li poutèt li ta swadizan vyole regleman estrik pou fanm abiye nan Repiblik Islamik la. Nouvèl yo fè konnen Amini ta kite yon branch cheve li parèt devan vwa li.

Yon lòt kote, Iran sot voye nouvo ranfò militè sou fwontyè wès li ki toupre Rejyon Kurdistan nan Irak, e li menase yon envazyon pa lòt bò fwontyè pou antre nan Kurdistan irakyen an kont gwoup opozisyon Kurd Iranyen yo, dapre sa yon lidè wo-plase Kurd irakyen nan Irak di LaVwadlamerik sou kondisyon pou non li pa site.

Otorite a ajoute ke apre mesaj Iran-an, Minis Enteryè Rejyon Kurdistan an rankontre ak 2 lidè gwoup Kurd Iranyen nan Iran kote li mande-yo pou wete konbatan Pershmerga-yo nan mòn-yo nan rejyon fwontyè-a pou yo pa pouse Iran antre nan Kurdistan Irakyen an.

19 Moun Pèdi Lavi yo Nan yon Atak Swisid Nan Kaboul

19 Moun Pèdi Lavi yo Nan yon Atak Swisid Nan Kaboul
please wait

No media source currently available

0:00 0:01:42 0:00

Yon atak kamikaz ki rive nan kaboul ann afganistan vandredi 30 septanm nan touye 19 moun pou pipiti e blese plizyè dizèn lòt Repòtaj: Jean Robert Philippe

19 Moun Pèdi Lavi yo Nan yon Atak Swisid Nan Kaboul

A woman arrives on a motorbike to search for a relative at a hospital in Kabul on Sept. 30, 2022, after a blast in a learning center in the Dasht-e-Barchi area of Afghanistan's capital.

Kaboul, Afganistan (AP) — Yon pòtpawòl Taliban di yon kamikaz te koze lanmò 19 moun e 27 lòt te soti blese apre yon atak swisid ki te fèt nan yon sant edikasyon nan yon zòn chiit nan kapital Afganistan.

Bonm lan te eksploze nan moman kote plizyè santèn etidyan adolesan tap pran yon egzamen pou antre nan inivèsite, dapre sa yon temwen di korespondan AP.

Eksplozyon an nan katye Dashti Barchi nan Kaboul, kote yon bon pati nan popilasyon an se etni Hazaras, ki se manm kominote chiit la ki minoritè nan peyi Afganistan.

Pa gen okenn gwoup ki reklame responsablite pou atak la.

Gwoup Eta Islamik la - ki se prensipal rival Taliban yo depi lè yo te pran kontwòl Afganistan an nan mwa Out 2021 - te vize kominote Hazara nan pase a.

Responsab Biwo Dwa Moun l-ONU Kondane Koukou-Wouj Vyolan Fòs Sekirite Iran yo Fè nan Manifestasyon yo

Norway Iran

Responsab biwo dwa moun nan l-ONU kondane koukou-wouj vyolan fòs sekirite Iran yo dèyè manifestan ki move kou kong akoz lanmò yon jèn dam ke otorite yo te akize kòmkwa li pa te konfòme li ak regleman estrik sou jan medam dwe abiye nan Iran.

Manifestasyon te pete nan 15 pwovens peyi a apre lanmò Mahsa Amini anba men lapolis. Se nan dat 13 Septanm sa ki rele lapolis moralite te arete l poutèt li pa ta ranje vwal li sou tèt li kòmsadwa.

Biwo l-ONU pou Dwa Moun fè konnen li difisil pou jwenn chif ekzat sou kantite manifestan ke fòs sekirite yo nan Iran ta touye, blese oubyen arete. Se akoz restriksyon sou telekominikasyon. Laprès leta mete kantite moun ki tonbe yo nan 41.

Sepandan, dapre pòtpawòl l-ONU Ravina Shamdasani, òganizasyon non-gouvènmantal (ONG) k ap swiv sityasyon an rapòte plis moun ki pèdi lavi yo. Li di ke yon sous ke li ka fè konfyans rapòte 76 ka lanmò, pami yo fanm ak timoun.

Gad Revolisyonè Iran Deklanche yon Vag Atak Drone

Iran Protests

Gad Revolisyonè Iran an ki gen anpil pouvwa deklannche lendi yon vag atak drone ak pyès kanno ki vize sa Iran kalifye kòm baz Kurd separatis iranyen nan nò Irak, dapre sa yon ajans nouvèl semi-ofisyèl rapòte.

Se 2èm ofansiv konsa pa lòt bò fwontyè depi samdi, nan moman kote Iran ap goumen pou kontwole manifestan depi lanmò yon dam Kurd ki te gen 22 lane, ke lapolis moralite nasyon an te arete.

Yon reprezantan youn nan gwoup separatis yo nan Irak ke atak la te vize a – atak ki te frape zòn Sidikan nan rejyon nò Irak ke Kurd ap dirije – fè konnen pa gen moun ki viktim.

« Jodi-a se 3 fwa, Repiblik Islamik Iran-an bonbade flan Mòn Halgurd kote fòs nou yo baze, » se pawòl Atta Nasir, yon manm komite santral Komala, yon pati opozisyon kurd ke Iran te ekzile. Li te pale ak ajans nouvèl Associated Presse etan nan katye jeneral pati a toupre fwontyè Iran-Irak-la.

Load more

XS
SM
MD
LG