Accessibility links

Breaking News
Azi

Sri Lanka: Prezidan an Kouri Kite Peyi a Bonè Maten an


FILES-SRI LANKA-ECONOMY-POLITICS-UNREST

Prezidan Sri Lanka a kouri kite peyi a bonè maten an, kèk jou apre manifestan te anvayi kay li ak biwo li ak rezidans ofisyèl premye-minis la pandan gen yon kriz ekonomik ki la depi 3 mwa ki te deklannche gwo mank manje ak gaz.

Prezidan Gotabaya Rapaksa, madanm li ak 2 gad di kò pati abò yon avyon militè Sri Lanka e mete tèt pou vil Male, kapital zile Maldiv yo, dapre yon responsab imigrasyon ki te pale sou kondisyon pou non li pa site paske sityasyon an delika.

Rajapaksa te dakò pou li demisyonnen anba presyon. Premye-minis Ranil Wickremesinghe te di l ap kite pouvwa a depi gen yon nouvo gouvènman pou ranplase l.

Palmantè yo dakò pou yo eli yon nouvo prezidan nan semèn k ap vini an men yo te redi ayè madi a pou deside

sou fòmasyon nouvo gouvènman an pou peyi a ki fè bankwout ka soti nan dezas ekonomik ak politik la.

Manifestan yo sèmante pou yo okipe bilding ofisyèl yo jouk lidè yo ki nan tèt peyi a demisyonnen.

XS
SM
MD
LG