Accessibility links

Breaking News

Larisi Ap Lanse kѐk Bonbadman Malouk sou Vil Sloviansk nan Ikrѐn


Firefighters work to control flames at the central market of Sloviansk on July 5, 2022, following a suspected missile attack.

Larisi te lanse kѐk bonbadman malouk madi sou Sloviansk ki nan pati ѐs Ikrѐn, dapre sa majistra vil la fѐ konnen nan moman fòs militѐ Moskou yo tanmen kѐk atak nan pwovens Donetsk apre yo fin pran kontwòl total pwovens Luhansk ki tou pre a.

Nan yon entѐvyou Majistra Vadim Lyakh bay yon televizyon nan Ikrѐn, dabò li konseye rezidan yo prese kite vil la. Kѐk ѐdtan apre sa, li chanje lide e li mande yo al pran refij nan kѐk azil. Anvan Larisi te anvayi Ikrѐn sa gen plis pase 4 mwa, vil la te gen yon popilasyon anviwon 107 mil abitan.

Dapre Lyakh toujou, “zam lou atiyri ris deja ap tonbe sou vil la” tandiske bonbadman te kraze 40 kay lendi. Nan yon mesaj li poste sou kont Facebook li, li fini pa di gen yon moun ki mouri madi epi 7 lòt blese nan moman bonb t ap tonbe sou yon mache ki nan mitan vil la.

XS
SM
MD
LG