Accessibility links

Breaking News

Mwayen Oryan

Nasyonzini Ankouraje Taliban Pou yo Fè Menm Jan ak Lòt Peyi Mizilman yo

Afghanistan Burqa Blues

Nasyonzini mande taliban yo pou yo enspire de fason lòt peyi Mizilman yo bay medam yo libète nan sosyete a. Li ankouraje yo pou yo respekte dwa fanm yo nan peyi a.

Menm jan ak Michelle Bachelet, plizyè diplomat ki soti nan tout kote nan mond lan te mande Taliban yo pou yo garanti dwa fanm yo nan peyi a, nan yon deba ijan ki te fèt nan Konsèy dwa moun nan Nasyonzini sou demand peyi Inyon Ewopeyen yo.

Anbasadè fransè Jérôme Bonnafont di: “Pap ka gen okenn solisyon politik san respè dwa fanm afgan yo".

Plizyè peyi mizilman yo te tou vin nan defans fanm Afganistan yo.

Anbasadè Pakistani Khalil Hashmi deklare ke "Òganizasyon Koperasyon Islamik la pataje enkyetid konsènan de jan eta dwa fanm ak tifi yo ye nan Afganistan".

Anbasadè Malaysyen Ahmad Faisal Muhamad te deklare "Nou dwe rete fidèl ak ansèyman Islam yo (...). Li vrèman obligatwa pou chak Mizilman jwenn konesans epi yo dwe edike."

Ansyen prezidan chilyen an te mande Taliban yo pou yo "angaje ak peyi majorite Mizilman yo ki gen eksperyans nan pwomouvwa dwa fanm ak tifi - jan lwa entènasyonal la garanti", san yo pa bay egzanp patikilye.

See all News Updates of the Day

Teheran Akize Grand Bretay ak Nòvèj Deske Yap Foure Bouch Nan Zafè Peyi Iran

Ebrahim Raisi, yang menjabat sebagai presiden Iran bulan ini, berbicara dalam konferensi pers di Teheran, Iran 21 Juni 2021. (Foto: Majid Asgaripour/WANA via REUTERS)

Teheran reponn Grand Bretay ak Nòvèj deske, dapre li, peyi sa yo antre bouch yo nan zafè Iran e daprezavwa yo bay repòtaj, li di, ki moutre yo se lènmi peyi a nan rebelyon k ap dire nan Iran an. Sa ki te deklannche rebelyon sa a se lanmò yon jèn dam ki te anba men lapolis moralite peyi a poutèt li pa te pote vwal li kòmsadwa, dapre sa ajans nouvèl semi-ofisyèl IRNA rapòte dimanch.

Ministè Afè Etranjè Iran an te konvoke anbasadè Grand Bretay ak Nòvèj samdi a pou ba yo mesaj pwotestasyon gouvènman an.

Teheran pale de « karaktè rayisab » ki parèt nan laprès an lang peyi-a, lang perse, pandan li plenyen bay diplomat Nòvèj la sou pozisyon prezidan palman peyi sa a tankou li ta vle entèvni nan Iran, lè dirijan sa a te moutre sipò pou manifestan yo sou Twitter.

Jake Sullivan, konseye sekirite nasyonal Prezidan Etazini Joe Biden, di nan pwogram chèn televizyon ABC « This Week, » dimanch, ke manifestasyon nan Iran yo « reflete kwayans anpil moun ke manifestan yo merite pou peyi a respekte diyite yo ak dwa yo » e ke Etazini sipòte yo.

Chanselye Alman an Ale Arabi Saoudit pou Eseye Jwenn Lòt Alye Pou Rezoud Kriz Gaz la

Governor of Mecca Khalid Bin Faisal Al Saud receives German Chancellor Olaf Scholz at Jeddah airport

Chanselye Alman an Olaf Scholz te fè yon vizit nan Arabi Saoudit Samdi, pou eseye jwenn yon lòt alye nan sektè enèji la.

Misye Scholz, te akonpaye nan reyinyon sa ak yon gwo delegasyon ki reprezante anpil sektè ekonomik, e li te rankontre ak Prens Mohammed bin Salman.

Menm jan ak prezidan fransè a Emmanuel Macron ak ansyen premye minis britanik Boris Johnson, misye Scholz te fè vwayaj sa a nan mitan yon gwo mache prese ki genyen pou jwenn nouvo founisè pou konpanse pou livrezon gaz Ris la ki preske pa disponib pou yo.

Scholz di wayaj sa yo, li fè nan 3 peyi nan rejyon an, "jwe yon wol enpòtan", ki ta ka bay bon rezilta epi debouche sou akò pou Almay ka jwenn gaz natirèl.

Yon konseye Mesye Scholz di: "Nou pral finalize pwopozisyon anbisye sa". Li pa bay plis presizyon.

Anvan Misye Scholz te kite Arabi Saoudit, li te pale ak jounalis Alman yo sou "relasyon ekonomik ak politik ke Almay genyen depi lontan" ak Riyad.

Iran: Lese-Frape ap Kontinye ant Manifestan, Fòs Sekirite yo

Nan foto sa a ke yon moun ki pa travay pou Associated Press pran andeyo Iran, manifestan ap chante slogan pandan yap pwoteste kont lanmo yon dam lapolis te arete pou moralite nan Teheran, Iran, 21 Sept. 2022.

Manifestan toupatou nan peyi Iran te kontinye fè lese-frape vyolan ak fòs sekirite yo bonè maten an apre lanmò yon jèn dam anba men lapolis, pandan televizyon leta nan Iran di bilan moun ki mouri nan rebelyon an ka rive nan 26, san li pa bay okenn detay.

Malgre li pa kle ki valè pwotestasyon k ap dewoule nan apeprè yon douzèn vil ak bouk nan peyi a, mouvman an reprezante pi gwo rebelyon ki fèt nan Iran depi 2019, lè gwoup k ap defann dwa moun yo te fè konnen dè santèn moun te pèdi lavi yo nan yon koukou-wouj vyolan dèyè manifestan.

Iran deja deranje entènèt lakay li pou moun pa kominike ak rès mond la, dapre Netblocks, yon gwoup k ap swiv trafik entènèt, kote li mete plis restriksyon sou platfòm popilè kote moun konn ale lè y ap òganize manifestasyon, tankou Instagram ak WhatsApp.

Gad Revolsyonè Iran Mande pou Jije yon Demwazèl pou Pwopagasyon Fo Nouvèl

Nan foto sa a ke yon moun ki pa travay pou Associated Press pran andeyo Iran, manifestan ap chante slogan pandan yap pwoteste kont lanmo yon dam lapolis te arete pou moralite nan Teheran, Iran, 21 Sept. 2022.

Gad Revolisyonè Iran an ki gen anpil pouvwa lanse apèl pou mande lajistis nan Repiblik Islamik la jodi jedi a pou li jije “moun ki gaye fo nouvèl ak rimè” sou yon jèn dam ki mouri anba men lapolis, sa ki deklannche pwotestasyon nan tout peyi a.

Manifestan nan kapital la Teheran ak nan lòt vil peyi a te mete dife jedi nan estasyon ak machin polis, pandan kolè pèp la pou lanmò dam nan pa moutre siy ke li pwal kalme, e nouvèl yo fè konnen gen atak sou fòs sekirite yo.

Mahsa Amini, ki gen 22 zan, pèdi lavi l, semèn pase a, apre arestasyon li nan Teheran poutèt li te abiye yon jan ki pa nan santiman otorite yo. Li te tonbe nan koma pandan li te nan prizon. Otorite yo di y ap lanse yon ankèt sou koz lanmò a.

Nan yon kominike, Gad Revolisyonè yo eksprime senpati pou fanmi Amini.

Laprès nan Iran fè konnen pwal gen manifestasyon anfavè gouvènman an demen vandredi a.

Macron Pral Rankontre Prezidan Iranyen an nan New York

(COMBO) This combination of file pictures created on August 09, 2021 shows French President Emmanuel Macron reacts during a press conference at the Elysee presidential Palace, in Paris, on July 9, 2021. Iran's President-elect Ebrahim Raisi looks on…

Emmanuel Macron pral rankontre nan Asanble Jeneral Nasyonzini an nan New York, ak Prezidan Iranyen Ebrahim Raïsi nan moman kote chans pou re-bay akò nikleyè Iranyen an vi ap diminye.

Dapre Elysée a, prezidan franse a, ki te rankontre ak Sekretè Jeneral Nasyonzini an, Antonio Guterres, apre li te rive nan New York, Lendi, pral gen tou yon reyinyon bilateral ak tokay Ameriken li Joe Biden nan Mèkredi.

Chita pale pwograme tou ak Premye Minis Pakistan Shehbaz Sharif, Premye Minis Wayòm Ini a Liz Truss, Premye Minis Liban Najib Mikati nan Madi, epi ak Prezidan Chilyen an Gabriel Boric Font.

Emmanuel Macron te diskite plizyè fwa nan telefòn ak Raïssi nan mwa ki sot pase yo pou ankouraje l aksepte kondisyon Ewopeyen yo te pwopoze pou fè reviv akò nikleyè 2015 la, ki ta dwe anpeche Teheran achte ak fè bonm atomik an echanj pou leve sanksyon l Oksidan, ki finn detwi ekonomi Iran.

Load more

XS
SM
MD
LG