Accessibility links

Breaking News

Senatè Ameriken yo Preske Jwenn yon Antant pou Mete Plis Kontwòl sou Acha Zam


Senate Chris Murphy, yon Demokrat ki reprezante Connecticut nan Sena a, pale pandan yon manifestasyon tou pre Kapitol la nan Washington, Vandredi 10 Jyen, 2022.

Negosyatè yo nan Sena ameriken an di yo jwenn yon antant ke ni Demokrat ni Repibliken apiye sou zak vyolans ki komèt ak zam yo. Sa ka pare chemen an pou yon vot semèn sa a sou yon pwopozisyon lwa ki ta reprezante repons Kongrè a apre fiziyad ki te fèt nan Eta Tekzas ak Nouyok e ki te boulvèse nasyon an.

Senatè Chris Murphy (D-Konektikit) di jounalis yo madi yon akò final prèske pare. Li deklare:

"Peyi sa a siviv plizyè fiziyad, asasina yo ogmante. Men yon bagay diferan parèt klè nan je fanmi yo apre yo te oblije konstate anko ke pa gen sekirite nan lekòl nou yo... pa gen sekirite nan sipèmache nou yo. Men yo konprann tou ke manm Kongrè a tèlman konsantre atansyon yo sou politik, yo tèlman gen abitid izole tèt yo nan yon kwen, nou pa t ka fè anyen ki gen enpòtans sou dosye a; alòske sa ki konte plis pou paran yo ak fanmi yo nan peyi sa a, se pwoteje timoun yo kont danje."

Foto Achiv: Senatè John Cornyn, yon Repibliken ki reprezante eta Texas nan Sena Etazini.
Foto Achiv: Senatè John Cornyn, yon Repibliken ki reprezante eta Texas nan Sena Etazini.

Senatè John Cornyn (R-Tekzas), li menm, di negosyatè yo resi antann yo. Li ajoute:

"Depi fiziyad la, biwo mwen, menm jan ak biwo anpil lòt manm Kongrè a, resevwa plizyè dizèn milye apèl, lèt ak imèl ki gen yon sèl mesaj: Fè yon bagay... Fè yon bagay. Pa rete bra kwaze - fè yon bagay. Moun Tekzas degoute e yo vekse akoz sa k rive nan Robb Elementary; yo vle pou Kongrè a pran mezi apwopriye pou anpeche plis inosan pèdi lavi yo."

Mezi sa a ta egzije ankèt ki pi sevè sou jèn moun k ap achte zam, ogmante depans k ap fèt pou sekirite nan lekòl yo epi tabli plis pwogram sante mantal.

XS
SM
MD
LG