Minis Garland rankontre ak Pwokirѐ Jeneral Ikrenyen an, Iryna Venediktova, ki nan tѐt anѐt k ap fѐt sou sa lajitis nan Ikrѐn konsidere kòm 16 mil krim de gѐ otorite yo anrejistre depi Larisi te anvayi peyi sa a preske gen 4 mwa. Larisi sѐmante li pa vize okenn sivil nan Ikrѐn.
Pandan Garland t ap antre nan sal kote li ta pral rankontre ak Madam Venediktoiva a, li te di laprѐs:
“Mwen prezan isit la pou m eksprime apui innebranlab Lѐzetazini pou pѐp Ikrenyen an ki nan mitan yon envazyon Larisi lanse enjisteman e ke Ikrѐn pa t pwovoke.”
Li ajoute:
“Lѐzetazini ap voye yon mesaj ki 100 pou 100 klѐ: Pa gen pyѐs kote pou yon moun kache. Nou menm ak patnѐ nou yo, nou pral itilize tout mwayen pou n gen garanti ke sila yo ki responsab pou zak kriminѐl tѐrib sa yo rann kont pou aksyon yo.”
Depatman Jistis ameriken an, ke Garland ap dirije kòm pi gwo otorite k ap fѐ respekte lalwa Ozetazini, fòme pwòp komisyon dankѐt pa l ki rele “KleptoCapture”, e ki santre tout atansyon li sou efò pou l sezi yacht ak lòt pwopriyete de luxe oligak ris ki apiye envazyon Prezidan Vladimir Putin nan Ikrѐn nan.
