Pòtpawòl Kremlen Dmitry Peskov, te pale konsa nan yon entèvyou sou chèn televizyon ameriken NBC. Li di tou, vedèt basketball ameriken Brittney Griner, ki nan prizon nan LaRisi depi plis pase 2 mwa, koupab pou zafè dwòg e ke li pa yon otaj.
Kòmantè Peskov yo se premye fwa yon responsab ris rekonèt ofisyèlman ke 2 mesye yo, ke nouvèl ki soti Etazini idantifye kòm Andy Huynh ki gen 27 lane, moun bouk Hartselle nan eta Alabama, ak Alexander Drueke ki ge 39 lane, moun bouk Tuscaloosa nan eta Alabama, te anba envestigasyon pandan yo nan prizon.
Peskov di, "Yo te mele nan aktivite ilegal sou teritwa Ikrèn. Yo te enplike nan tire e nan lanse boulèt sou solda nou. Yo te mete lavi yo an danje."
