Gouvènè eta Arizona a, Doug Ducey teste pozitiv pou COVID-19 kidonk li pap asiste yon evenman politik ki te planifye pou Lendi ak ansyen Vis Prezidan Etazini Mike Pence, dapre pot pawol li.
Ducey pa gen okenn sentom e li santi'l byen, pot pawol li, C.J. Karamargin deklare.
Repibliken yo te planifye pou y'al vizite frontyè a Lendi maten, epi apre sa Pence gen entansyon bay yon diskou sou kestyon sekirite frontyè a nan vil Phoenix.
Tou le 2 mesye yo ap travay pou anplifye mesaj pati Repibliken an sou kestyon frontyè a ke yo konsidere tankou yon kestyon politik enpotan. Ducey se ko-dirijan Asosyasyon Gouvènè Repibliken yo.
Kèk moun konsidere Pence tankou yon posib kandida a la prezidans an 2024.
