Mwayen Oryan
- Serge Michel
Iran: 36 Moun Mouri nan yon Bilding ki Efondre nan Sidwès peyi a
Bilan moun ki mouri moute rive nan 36 nan yon bilding ki pran tout yon blòk nan sidwès Iran, ki plonje semèn pase a, e deklannche manifestasyon, dapre sa medya leta rapòte madi a.
Yon gwo seksyon nan bilding ki rele Metropol ki gen 10 etaj e ki te an konstriksyon nan yon ri ki gen anpil aktivite nan vil Abadan, li tonbe plat atè, 23 Me pase, e lakoz youn nan dezas ki touye plis moun nan ane ki pase yo nan Iran.
Gen 5 etidyan pami mò yo, dapre Masoud Hamidinejad, chef depatman edikasyon nan Khuzestan, dapre ajans nouvèl IRNA.
See all News Updates of the Day
- Jean Robert Phillipe
Etazini Ede Izrayel Desann Dron ak Misil Iran Lanse Kont li
Lezetazini ap mete aksan sou wòl lap jwe nan jefò pou ede Izrayèl kwape atak ayeryen Iran te lanse kont li.
Etazini: Biden Di Netanyahu li p ap Patisipe nan Okenn Ofansiv Izraelyen kont Iran
Yon responsab Mezon Blanch fè konnen Biden te avèti Premye Minis Izrayelyen Benjamin Netanyahu ke Etazini pap patisipe nan yon kont-ofansiv kont Iran si Izrayèl ta deside tire revanj apre Iran te lanse yon rafal misil ak dronn sou teritwa Izraelyen.
Pandanstan, Netanyahu te reyini kabinè lagè a nan Tel Aviv pou diskite sou yon repons pou atak dronn ak misil Iran an.
Minis kabinè lagè a Benny Gantz avèti ke Izrayèl ap "fè Iran peye sa yon fason ki ap bon pou nou e nan yon moman ki ap bon pou nou."
Chèf Fòs Lame Iran yo di ke yo konsidere operasyon an kòm yon siksè e yo "jije ke dosye a fèmen."
Men Iran avèti Izrayèl ak Etazini ke yon vanjans kont atak samdi swa yo a ta mennen yon repons ki ap pi djanm lontan.
Lame Izrayelyen an pibliye dimanch yon foto ki moutre, dapre sa li di, avyon de gè li yo ki bloke veyikil ayeryen ak misil rapid ki te soti Iran.
Plis pase 300 misil ak dronn yo te soti pou pifò andan Iran, e te lakòz sèlman ti dega lejè sou tèritwa Izrayèl ki te desann pifò nan yo ak èd Etazini ak Angletè.
Yon baz Avyasyon Militè Izrayèl te pran frap, men li te kontinye travay nòmalman, e yon timoun 7 an te blese grav ak fragman bonm.
Lafrans: Macron di “Nou Dwe Evite Eskalade Tansyon nan Mwayenn Oryan an”.
Prezidan Emmanuel Macron di Lendi 15 Avril la Lafrans pral fè tout sa li kapab pou evite konfli ant Izrayèl ak Iran an ogmante nan Mwayen Oryan an.
Macron di nan yon emisyon BFM TV ak radyo RMC : "Nou pè pou konfli a pa moute nan yon lòt nivo."
Iran lanse plizyè santèn dronn ak misil sou Izrayèl samdi 13 Avril la kòm repons pou sa li sispèk kòm yon atak Izraelyen sou konsila Iran an nan peyi Siri nan dat 1ye Avril pase.
"Nou pral fè tout sa nou kapab pou evite bagay yo chofe pou yo eklate," se sa Macron di, e li ekzòte Izrayèl pou li chache pito izole Iran olye de eskalade sitiyasyon an.
Wayòm Ini: Cameron Ekzòte Izrayèl pou l pa Reyaji kif kif kont Iran
Minis Afè Etranjè Grand Bretay, David Cameron, ekzòte Izrayèl pou l pa reponn kif kif apre atak dronn ak misil Iran te lanse sou peyi a. Li di Izrayèl ta dwe "reflechi ak tèt li olye de kè li" paske atak Teheran an te prèske yon echèk total.
Atak plis pase 300 misil ak dronn ki te soti Iran te lakòz sèlman ti dega lejè nan Izrayèl paske sistèm defans Iron Dome li a te desann pifò nan yo, ak èd Etazini, Grann Bretay, Lafrans ak Jòdani. Atak Iran an te fèt apre sa ke li te sispèk kòm yon atak aeryen Izraelyen sou anbasad Iran nan Siri 1ye avril pase.
"Mwen panse ke yo (Izrayèl) gen tout rezon pou yo panse ke yo ta dwe reponn paske gen atak ki fèt sou yo, men nou ap ekzòte yo kòm zanmi pou yo panse ni ak tèt yo ni ak kè yo, pou yo sèvi ak entelijans menm jan yo sèvi ak gwo ponyèt," se sa Cameron di sou chèn televizyon BBC.
Li di ke li ekzòte Izrayèl pou li pa ogmante tansyon nan Mwayenn Oryan an.
Cameron di ke Grann Bretay pwal travay tou ak alye yo pou yo chache enpoze plis sanksyon sou Iran, e li ekzòte Izrayèl pou l retounen konsantre sou yon antant ak gwoup Hamas ke Iran apiye a pou fè yon kanpe sou goumen nan lagè Gaza a.
Deplase Gaza Yo Konstwi Tant ak Bwat Èd Manje
Nan sant rejyon Gaza, Deir al-Balah, moun ki deplase yo konstwi yon tant ak bwat èd manje vid yo te resevwa yon fason pou senbòlize lavi yo pandan lagè a epi voye yon "mesaj" bay mond lan sou sityasyon imanitè a nan rejyon an
Facebook Forum