Accessibility links

Breaking News

Ikrèn Fè Konnen Misil Frape Vil Lviv


Emergency workers clear up debris after an airstrike hit a tire shop in the western city of Lviv, Ukraine, Monday April 18, 2022.

Otorite nan lwès Ikrèn fè konnen misil frape vil Lviv jodi lendi a, kote pou pi piti 7 moun pèdi lavi yo nan vil sa a ke pi move vyolans la te epaye nan envazyon LaRisi a ki te tanmen sa gen 2 mwa.

Gouvènè rejyon Lviv la Maksym Kozyskiy di 3 misil frape enfrastrikti militè, pandan yon lòt frape yon shop reparasyon kawoutchou machin.

Yon lòt kote nan peyi-a, efò pou evakye sivil ki nan zòn konfli yo te kanpe jodi lendi a pou yon 2èm jou youn apre lòt.

"Yon vyolasyon lwa imanitè entènasyonal, Ris yo pa sispann bloke e bonbade wout imanitè-yo," se pawòl Vis-Premye-Minis Iryna Vereshchuk nan yon deklarasyon li te poste sou medya sosyal yo.

Zelenskyy, nan yon mesaj video dimanch swa, di li atann ke sa p ap pran pou LaRisi lanse yon ofansiv nan rejyon Donbas.

XS
SM
MD
LG