Depa Idit Silman ogmante seriezman posiblite pou yon nouvo eleksyon palmantè nan moman gouvenman an pako gen yon lane sou pouvwa a. Gouvenman Premye Minis Bennet la te gen yon sèl syèj ki te ba-l majorite, men kounye a li pral lite pou-l fonksyone.
Silman ki te sèvi kom kontwolè pou pati Benett la, pati Yamina a, nan kowalisyon an, anonse yè mekredi a ke li pap kontinye supòte gouvenman inite a e li lanse apèl pou mande fòmasyon yon gouvenman zèl dwat san eleksyon.
Silman te nan chire-pit sou baz ideoloji avek kèk manm pati zèl goch nan kowalisyon an, pandan li t-ap chache prezève idantite Jwif la nan nasyon an. Nan yon lèt li voye bay premye minis Bennett , li reprimande li poutèt li te eseye fòme yon gouvenman ki gen tandans nasyonalis, jwif e sionis.
