Accessibility links

Breaking News

Mwayen Oryan

$2.4 Milyon Pou Anpeche Afganistan Tonbe Nan Yon Dezas Imanitè

REP-GEN AFGANISTÁN-DÍA A DÍA-FOTOS

Donatè entènasyonal yo leve pye yo jedi kote yo ofri plis pase $2.4 milyon pou anpeche Afganistan tonbe nan yon dezas imanitè, malgre yo gen pwoblèm ak gouvènman Taliban an.

"San yon aksyon touswit, nou gen devan nou yon kriz grangou ak malnitrisyon nan Afganistan," se pawòl Seketè Jeneral l-ONU Antonio Guterres nan yon konferans maraton ki te fèt sou entènèt. Li ajoute, "Moun ap vann pitit-yo ak ògàn nan kò yo pou yo ka bay fanmi yo manje. Ekonomi Afganistan an plonje plat atè."

Devan soufrans ki nan Afganistan akoz efè 2 dizèn lane lagè, yon seri gwo sechrès youn apre lòt ak COVID-19, Nasyon Zini leve vwa li pou mande $4.4 milyon pou ede 20-milyon Afgan jwenn manje, abri, swen medikal ak lòt èd esansyèl - premye fwa l-ONU lanse apèl pou mande anpil lajan konsa.

Pami gwo donatè yo gen Grand Bretay ki pwomèt 374 milyon, Etazini ki anonse preske $204 milyon nouvo asistans; Almay ki ap bay $218 milyon ak Japon ki pwomèt $109 milyon. Antou, l-ONU fè konnen se 41 donatè ki pwomèt nouvo finansman.

See all News Updates of the Day

Qatar di ant '400 ak 500' Travaye Mouri Pandan Konstriksyon pou Mondyal la

Foto Achiv: Travaye mache nan direksyon stad Lusail la, ki se youn nan stad ki pral sevi pandan Mondyal Foutbol la, 20 Desanm, 2019.

Yon responsab wo plase peyi Qatar ki te patisipe nan preparasyon peyi a pou Mondyal Foutbòl la di gen ant "400 ak 500" travayè ki pedi lavi yo pandan konstriksyon an. Se premye fwa li janm bay yon chif ofisyèl.

Chif sa a bokou pi wo pase sa Doha te di anvan.

Hassan al-Thawadi, sekretè jeneral Komite Siprèm Qatar pou Livrezon ak Eritaj bay chif sa a sanzatann pandan yon entevyou ak jounalis Britanik Piers Morgan.

Nouvo done a menase pou'l bay kritik gwoup dwa moun yo plis jarèt. Yo te plenyen pou di se gras ak migran yo ke Mwayèn Oryan an gen opòtinite patwone premye Mondyal Foutbòl li. Se migran sa yo ki ede konstwi stad ki koute $200 milya dola, sistèm tren epi nouvo enfrastrikti ki te nesesè pou tounwa a.

Iran-Etazini Pral Woule Balon Pandan Gwo Tansyon Politik Egziste Ant 2 Peyi yo

Foto Achiv: Yon fanatik Iran ak yon fanatik Etazini anvan match 2 seleksyon nasyonal yo nan Mondyal Foutbol la 21Jyen 1998.

Denye fwa Etazini te jwe kont Iran sete an 1998, sa gen 24 an desa. Sete youn pami match foutbòl ki te pi chaje ak tansyon politik nan listwa.

Fwa sa a, 2 seleksyon nasyonal yo ap pare pou twoke konn yo nan moman relasyon ant Etazini ak Iran deteryore pi plis.

An Iran, moun pran lari toupatou pou pwoteste kont move tretman fanm yo. Pandansetan lap etann pwogram nikleyè li yo epi lanse atak rejyonal ak entènasyonal. Tout koze sa yo jete yon lombraj sou match foutbòl ki pral jwe nan peyi Qatar jodia a 2 zè.

Katar Anonse Yon Kontra pou Founi Almay Gaz

Europe Energy Crisis

Katar anonse yon akò pou bay Almay gaz natirèl (LNG) pou 15 ane, nan mitan yon gwo kriz enèji atravè mond lan akoz entèvansyon militè Larisi nan Ikrèn nan.

Akò sa a, ki konkli ant Qatar Energy ak konpayi Ameriken ConocoPhilips, pral kontribiye "nan efò ki vize bay sipò pandan kriz enèji a nan Almay ak nan peyi Ewòp yo". Se sa Minis Enèji Qatarl a, Saad Sherida Al-Kaabi te deklare pandan yon konferans pou laprès.

Dapre kondisyon ki nan akò sa a, peyi Gòlf Arab la pral bay nan ane 2026 "jiska 2 milyon tòn gaz natirèl LNG chak ane" nan tèminal gaz nan Brunsbuntell ki toujou an konstriksyon , nan nò Almay.

Azi (Lachin, Japon ak Kore di Sid) se mache prensipal la pou gaz ki soti nan Katar, ke peyi Ewopeyen yo vle genyen depi envazyon an nan Ikrèn.

Men, negosyasyon ak Ewopeyen yo te difisil. Almay ak lòt peyi nan rejyon yo te refize siyen akò alontèm ki idantik ak sa yo bay Qatar ak kliyan Azyatik yo.

Semèn pase a, Katar te rive jwenn yon akò pou achte ekipman pou 27 ane ak Lachin.

Federasyon Foutbòl Etazini Wetire Anblèm Drapo Iranyen an Pandan yon Peryòd Brèf nan Mondyal Qatar la

Lapolis anti emet flote drapo Iranyen an pandan yon selebrasyon nan lari apre Iran kale Peyi de Gal nan Mondyal Foutbol Qatar la, 25 Nov. 2022 nan Teheran, kapital Iran.

Federasyon Foutbòl Etazini an pibliye yon foto drapo nasyonal Iran an sou rezo sosyal yo pandan yon peryòd brèf, san anblèm Repiblik Islamik la.

Federasyon an dekri desizyon pou fè sa tankou yon siy sipò pou manifestan yo an Iran anvan match 2 peyi yo pral jwe Madi nan Mondyal Foutbòl Qatar la. Federasyon an di nan yon deklarasyon li pibliye Dimanch ke li te deside pa pibliye foto drapo ofisyèl Iranyen an sou rezo sosyal ofisyèl li yo pou montre "sipò pou fanm an Iran kap goumen pou dwazimen de baz yo."

Mezi sa a vini nan moman gen manifestasyon nasyonal an Iran kote manifestan yo defye gouvènman teyokrat Teheran an.

Iran Arete yon Jwè Seleksyon Nasyonal li ki Kritike Gouvènman an

Foto Achiv: Voria Ghafouri, yon ansyen jwe seleksyon nasyonal Iran, goumen pou balon an ak Irakyen Hussein Ali pandan yon match Koup Azi a.

Iran arete yon ansyen jwè seleksyon nasyonal li a apre li kritike gouvènman an.

Se yon medya leta ki anonse arestasyon an Jedi. Li vini nan moman otorite yo ap goumen pou jere manifestasyon nasyonal ki jere yon lombraj sou patisipasyon ekip la nan Mondyal Foutbòl Qatar la, kote li va fè fas ak Peyi de Gal Vandredi.

Yo arete jwè a swatizan akoz li "ensilta seleksyon nasyonal la epi fè pwopagann kont gouvenman an."

Jwè a te eksprime senpati li pou fanmi yon dam ki mouri apre polis moralite Iran an te arete li. Sa te deklanche manifestasyon toupatou.

Jwè a mande tou pou sispann kraze zo manifestan yo nan rejyon wès Iran an, ki aw yon rejyon Kurd. Misye se moun rejyon sa a.

Load more

XS
SM
MD
LG