Accessibility links

Breaking News

Lame Ris la Pral Redwi Operasyon li Ozalantou Kyèv


Kolonel Oleksandr Syrskyi ki responsab pou defans kapital Ikrenyen pran pozisyon o no vil Kyev, Madi 29 Mas 2022.

Nan moman negosyatè Ikrenyen ak Ris yo te tanmen yon nouvo seri chita tande sou lapè nan La Tiki ki vizte mete fen nan envazyon Ris nan Ikrèn nan, lame Ris la te di li pral redwi operasyon li ozalantou kapital la, Kyèv ak vil Chernihiv ki nan nò peyi a.

Minis Defans adjwen Ris la, Alexander Fomin deklare yap pran mezi sa a pou "ogmante konfyans" nan negosyasyon ki vizte mete fen nan batay la. Avans fòs Ris yo tap fè kanpe nan jou ki pase yo akoz rezistans fewòs solda Ikrenyen yo.

Madi, Minis Defans Ris la Sergei Shoigu te deklare twoup ris yo pral konsantre sou Donbas, ki gen ladann rejyon separatis Luhansk ak Donetsk. Li di Moskou lajman finn akonpli premye etap "operasyon militè espesyal li a" ansanm ak degradasyon kapasite militè Ikrèn.

Prezidan Ris la, Vladimir Putin dekrete Luhansk ak Donetsk nan rejyon ès Ikrèn kòm eta endepandan, kèk jou sèlman anvan li te lanse envazyon an 24 Fevriye pase a.

XS
SM
MD
LG