"Moun konsa pa ta dwe ap dirije peyi, men yo fè l. Lè yo fè li a, sa pa vle di ke mwen pa ka eksprime jan m vekse pou sa," se sa Biden di jounalis yo nan Mezon Blanch ayè lendi a.
Li di, "M pa t ap mande yon chanjman rejim."
Deklarasyon prezidan an sou Putin ki pa t nan tèks diskou a, pandan li t ap pale ak refijye ki soti Ikrèn e ak volontè entènasyonal nan Polòy samdi a, te soulve gwo pawòl anpil nan Etazini e sete yon sipriz ke kèk alye nan lwès Ewòp pa t ap atann ditou.
Se dènye bagay mwen ta renmen fè, kesyon pou m ta angaje nan yon gè atè oubyen yon gè nikleyè ak LaRisi,"
se pawòl Biden pandan li t ap rejte lide ke kòmantè li a ta ka ogmante tansyon sou lagè Ikrèn nan.
