Accessibility links

Breaking News
Azi

Kore di Nò Lanse yon Misil Balistik Long Pòte


Moun gade yon emisyon nouvel ki montre lansman misil Kore di No a nan yon stasyon tren nan vil Seoul, kapital Kore di Sid, Jedi 24 Mas, 2022.

Kore di Nò lanse sak sanble yo n misil balistik entèkontinantal Jedi, dapre sa gouvènman Japonè ak Sid Koreyen yo di. Se yo rive verifye sa, se ta premye lansman yon misil long pòte Kore di Nò fè depi ane 2017.

Ministè Defans Japonè a di misil Nò Koreyen an vole pandan plis pase 70 minit anvan li ateri sou pre zòn ekonomik ekskizif Japon an, ki sitye a 170 kilomèt a lwes Prefekti Aomoria nan nò peyi a.

Misil la atenn yon altitid 6,000 kilomèt e li te gen yon pòte 1,100 kilomèt, dapre responsab Japonè yo, ki di sanble sete yon nouvo tip misil long pòte.

Pandan yon rankont dijans Konsèy Sekirite Kore di Sid la, Prezidan Sid Koreyen an Moon Jae-in "kondane ak tout fòs li" lansman an ke li dekri tankou yon vyolasyon moratwa Kore di Nò te enpoze poukont li, sou lansman misil long pòte yo.

Kore di Nò repete plizyè fwa li pare pou'l lanse yon satelit espyonaj. Resposab Ameriken yo di yon lansman konsa ta esansyèlman egal yon esè misil long pòte e ke sa taka gen ladann yon nouvo misil long pòte masiv, dapre ekspè yo, ki gen kapasite pou'l pote plizyè zam nikleyè.

Korespondan VOA nan vil Seoul, Kore di Sid, William Gallo ekri vesyon orijinal nouvel sa a

XS
SM
MD
LG