Accessibility links

Breaking News

Mwayen Oryan

Afghanistan: Yon Kanpay Vaksinasyon Kont Lawoujòl

FILE - A child receives a measles vaccine at the Indira Gandhi Children Hospital, in Kabul, Afghanistan, March 15, 2021.

Yon kanpay vaksinasyon kont lawoujòl kap dire yon semèn tanmen nan Afghanistan kote Oganizasyon mondyal la sante fè konnen malady sa-a ki atrapan anpil touye 142 timoun e enfekte 18 mil depi nan komansman ane a.

Kanpay vaksinasyon kont lawoujol la fè pati repons nasyonal pou anpeche epidemi an gaye, sove lavi jèn timoun yo e redui fado sou systèm sante yo dapre deklarasyon OMS ki site sa li prezante kòm pawòl ke reprezantan li nan Afghanistan Luo Dapeng te di yè lendi a.

Kanpay OMS finanse a, ki komanse samdi 12 Mas pase a, sipòte efò otorite lasante de facto Taliban yo nan jan y-ap jere vaksinasyon an.

Dirijan yo mande plizyè milye travayè lasante pou yo vaksinen kont malady a plis pase 1 milyon 200 mil timoun ki pako gen 5 kan nan 49 distri ki nan 24 provens .

Lawoujòl remoute nan Afghanistan depi mwa janvye 2021. Depi lè sa a otorite yo rapote 48 mil 366 ka enfeksyon an ak 250 ka lanmò anba malady a ke yon viris lakoz.

Pwoblèm sante piblik sa a vini nan moman responsab Nasyonzuni yo di plizyè dizèn lane

See all News Updates of the Day

Taliban Egzije pou Fanm ki Parèt nan Televizyon Lokal Kouvri Figi yo

FILE - Burqa-clad women walk along a street in Kandahar on May 7, 2022.

Nan Afganistan, Gouvènman Taliban an òdone chèn televizyon lokal yo ayè jedi a, pou yo asire ke fanm ki ap prezante nouvèl yo kouvri figi yo sou ekran an, sa ki ap redui sou dwa fanm yo malgre tout mond la ap kritike li pou sa.

Ògàn laprès yo konfime ke yo te resevwa òdonans la ki soti nan Ministè Vis ak Vètu, ki responsab pou entèprete e fè respekte jan Taliban an prezante lwa Sharia Islamik la.

Chèn televizyon nouvèl Tolo fè konnen nan yon kominike ke responsab yo nan ministè a kalifye nouvo lòd la kòm "yon desizyon final ki pa mande diskisyon." Tolo ekri sou Twitter ke "Nouvo lòd la ekzije pou medam ki ap prezante nouvèl nan tout chèn televizyon yo kouvri figi yo pandan y ap fè pwogram yo."

Vis Prezidant Harris ak Sekretè Deta Blinken Ale Abu Dhabi pou Ranfòse Relasyon yo

Foto sa a, ke Ministe Zafe Prezidansyel la pibliye monre Vis Prezidan Etazini Kamala Harris ak Sheikh Abdullah bin Zayed Al Nahyan, nan Emira Arab Ini, Lendi 16 Me 2022.

Sekretè Deta ameriken an, Antony Blinken, twouve l nan Abu Dhabi kote li rejwenn yon delegasyon ameriken wo-nivo ki gen nan tèt li Vis Prezidant’ Kamala Harris. Objektif misyon sa a se pou delegasyon an prezante kondoleyans administrasyon Biden nan bay fanmi defen Prezidan Emira Arab Ini an, Sheikh Khalifa bn Zayed al Nahyan, ki te mouri vandredi.

Harris ak Biden gen pou yo rankontre ak frè defen lidè a, Sheikh Mohammed bin Zayed al Nahyan, ki tounen nouvo prezidan peyi a e ki deja ap egzèse anpil enfliyans nan Mwayen Oryan an e menm pi lwen ke sa.

Se pi gwo delegasyon amerikèn jiskela Administrasyon Biden nna voye nan peyi sa a ki rich ak petwòl e ki reprezante yon gwo sant finansye pou rejyon an. Pami manm delegasyon an genyen tou Minis Defans ameriken an, Lloyd Austin, Direktè CIA a, William Burns, avèk responsab pwogram administrasyon an pou lit kont chanjman klimatik yo, John Kerry.

Anvan V. P. Harris te kite Washington, li te di l ap fè vwayaj la nan non Prezidan Joe Biden pou l prezante kondoleyans li bay fanmi defen prezidan Emira a. Nan je analis yo, vizit sa a se yon jès enpòtan pou ranfòse relasyon Lèzetazini avèk Emira Arab Ini ki gen kek tansyon ladan l.

Washington te mande Emira Arab Ini ak Arabi Sawoudit wete plis gaz nan pui petwòl yo depi Larisi te anvayi Ikren nan dat 24 fevriye a, yon fason pou amoti pri gaz la k ap monte epi amelyore stabilite mache eneji a nan moman Lewop ap eseye redui depandans la anba gaz natirel ris la. Riyadh ak Abu Dhabi rejte demand Lezetazini yo, paske y ap chache kenbe bon relasyon avek Larisi.

Plizyè Gwoup Endepandan Lanse Ankèt Sou Lanmò Jounalis Shireen Abu Akleh

Journalists hold placards depicting Al Jazeera reporter Sireen Abu Akleh during a protest in Mogadishu

Pandan Israel ak Palestinyen yo ap diskite sou asasinay jounalis Al Jazeera, Shireen Abu Akleh, plizyè gwoup endepandan lanse pwòp ankèt pa yo. Yon ekip ki ap sèvi ak sous tou-louvri pou rechèch li di, dapre premye rezilta li jwenn yo, li ta plis kwè temwen palestinyen yo ki di se israelyen ki tire jounalis la.

Rezilta ankèt sa yo ka ede fòme opinyon entènasyonal sou kesyon pou konnen kilès ki responsab pou lanmò Abu Akleh, sitou si yon ankèt ofisyèl lame Israelyen ap trennen.

Abu Akleh, yon dam Palestinyen-Ameriken ki se yon veteran 25 lane nan televizyon ki fonksyone sou satelit la, pèdi lavi li, mèkredi semèn pase pandan li t ap kouvri yon desant dè lye Israel nan kan refijye Jenin nan Sisjòdani okipe. Sete yon gwo non nan mond arab la pou jan li te konn dokimante nan ki tray pèp palestinyen an ap viv anba okipasyon Israel depi 6 dizèn lane.

5 Moun mouri akoz Atak aeryèn Lame Izrayèl sou Siri

Afrin Syria

Vandredi, Izrayèl menen yon atak areryen souSiri kote gen 5 moun mouri pami yo yon sivil.

Ajans nouvèl ofisyèl siryen, Sana , repoete yon sous militè presize : "Ènmi Izrayelyen tire plizyè misil (...) sou sant peyi a e yo te ajoute, bonm nan blese 7 moun pami yo yon timoun.

Etazini ak Nasyonzini Kondane ak tout Fòs yo Asasina yon Jounalis Al Jazeera

Palestinians bid farewell to Al Jazeera journalist Shireen Abu Akleh, who was killed during an Israeli raid, in Ramallah in the Israeli-occupied West Bank, May 12, 2022.

Etazini ak Nasyonzini kondane ak tout fòs yo asasina yon jounalis Al Jazeera ki tap kouvri yon operasyon lame izrayelyenn te lanse nan Sis-Jòdani.

Yo te tire Shireen Abu Akleh (Akla) yon palestinyen ameriken malgre li te byen idantifye-l kom yon jounalis pandan li te nan vil Jenin.

Pòtpawòl depatman deta Ned Price poste yon tweet kote li di: “”Nou devaste e nou kondane ak tout fòs nou ansasina jounalis ameriken Shireen Abou Akleh nan Sis-Jodani.

Direktè jeneral Inesco a , Audrey Azoulay mande pou yo mennen yon envestigasyon nan asasina sa a.

Li di mwen kondane asasina Shireen Abu akleh. Ansasina yon travayè la press ki te idantifye kleman nan yon zon konfli se yon violasyon lwa entènasyonal. Mwen lanse apèl pou mande otorite yo pou yo mennen envestigasyon sou krim sa a e trennen responsab yo devan la jistis.

Load more

XS
SM
MD
LG