Lamezonblanch fè konnen Prezidan Joe Biden pase lod pou pran nouvo sanksyon kont Moskou apre La Risi te deside rekonèt 2 rejyon separatis ki sitye nan rejyon ès Ikrèn.
Administrasyon Biden nan deklare anons Prezidan Ris la Vladimir Putin fè Lendi a se yon "vyolasyon kare bare, angajman entènasyonal La Risi yo".
Sanksyon yo pral anpeche Moskou fè nouvo envestisman, e lap bloke komès ak tranzaksyon finansye nan 2 rejyon separatis Ikrèn Putin rekonèt yo.
Responsab Unyon Ewop la di blok la pral enpoze sanksyon tou.
