Accessibility links

Breaking News

Grand ‘Bretay Angaje l pou bay $34 Milyon pou Ranfòse Sekirite Rejyon Indo-Pasifik la


Britain's PM Johnson visits Polish counterpart in Warsaw

Grand ‘Bretay angaje-l pou bay $34 milyon pou ranfòse sekirite nan rejyon Indo-Pasifik la nan kad yon kondisyon li siyen avek Ostrali e lidè 2 peyi yo eksprime enkyetid grav sou politik la Chin nan rejyon Xinjiang nan ki nan ekstrèm lwès la.

Nan yon apèl sou Video yè jedi a, premye minis britanik Boris Johnson ak tokay li nan Ostrali Scott Morrison te lanse apèl pou mande lapè ak stabilite nan tout detwa Taiwan nan e li avèti LaRisi pou l pa anvayi Ikrèn.

Yo dakò sou nesesite pou dezamòse sityasyon an e souliye ke nenpot envazyon LaRisi nan Ikrèn tap yon kokennn erè stratejik e li tap gen yon gwo konsekans umanitè, daprè sa lidè yo di nan yon deklarasyon yo fè apre rankont la.

Fon lajan yo promèt pou akò sekirite nan rejyon endo-pasifik la tap ranfòse rezistans rejyon an nan domèn tankou sekirite sou entènèt menas ki soti nan gouvènman, ak sekirite sou lanmè dapre deklarasyon Morrison ak Johnson.

Chita tande ant lidè 2 peyi yo vini Selman yon semèn apre ke sa ki rele gwoup Quad la – ki gen Ostrali, Etazuni , Japon ak End -- te promèt pou ranfòse kowoperasyon pou asire ke rejyon Endo-pasifik la p-ap mache sou zòd okenn peyi, an palan de La Chin k-ap pran enkstansyon ekonomik ak militè.

Johnson ak Morrison eksprime kè sote grav sou nouvel ke yo ka fè konfyans sou violasyon dwa moun k-ap fèt nan Xinjiang e yo lanse apèl pou mande la Chin pou-l proteje dwa moun nan Hong Kong ansanm ak libète, ak anpil dwa li genyen pou dirije tèt li.

XS
SM
MD
LG