"Sityasyon ki devan nou la ann Ewòp la ijan e danjre, e danje ki gen pou Ikrèn - e pou nou chak peyi manm l-ONU - pa-t ka pi gwo pase sa," se sa anbasadè Etazini nan l-ONU Linda Thomas-Greenfield di manm konsèy-la-yo.
Li di ke nan plis pase 100,000 solda ki gonfle sou fwontyè Ikrèn-nan, gen fòs konba ak fòs espesyal ki pare pou yo lanse atak sou ansyen repiblik sovyetik la.
"Se pi gran - se pi gran - tande-m byen - mobillizasyon twoup ann Ewòp depi plizyè dizèn lane," se pawòl Thomas-Greenfield ki kontinye pou-l di, "Pandan n-ap pale la-a, LaRisi ap voye menm plis fòs ak zam toujou pou ajoute sou yo."
Anbasadè ameriken an di agresyon LaRisi a menase Ikrèn, Ewòp ak lòd entènasyonal la.
