Accessibility links

Breaking News

Nadal Ranpòte Open Ostralyen an


Rafael Nadal, moun peyi Espay kenbe twofe Norman Brookes Challenge la apre li kale Daniil Medvedev, moun La Risi pou'l ranpote Open Ostralyen an nan Melbourne, 31 Janvye 2022.

Rafael Nadal ranpòte 21e tounwa tenis Gran Chelem ni, ki se yon rekò mondyal. Misye kale nimewo 2 mondyal la Daniil Medvedev nan 5 set pou'l pran tit chanpyon match senp maskilen an.

Viktwa sa a pat fasil pou Nadal ki te oblije redi apre Medvedev te ranpòte premye 2 set yo nan yon final ki te kòmanse ta Dimanch e ki te fini preske 5 èdtan edmi pi ta, Lendi maten.

Tenisman espayòl la, ki gen 35 an, gen yon viktwa anplis pase Roger Federer ak Novak Djokovic, ki se rival li depi lontan. Moun konn rele yo "Gran Twa yo".

Nadal tounen tou, 4em gason nan listwa ki ranpèdtante tou le 4 gran chanpyona tenis yo owmens 2 fwa.

XS
SM
MD
LG