Nan peyi Tiki, Prezidan Recep Teyyip Erdogan, deklare jedi 7 desanm 2017 la gen yon nesesite pou yo raflechi trete 1923 a ki, antwot, fikse lizyè fwontyè Tiki ak peyi vwazen li yo.
Misye Erdogan pale konsa pandan li tap fè yon rankont televize ak Prezidan Grèk la, Prokopis Pavlopoulos, nan kòmansman yon vizit 2 jou lap fè nan vil Atèn. Lidè grèk la rejte pozisyon kòlèg tirk li amo paske, daprè li, Trete Lausanne nan merite swa yon revizyon, swa yon miz-a-jou.
Pandan Misye Erdogan nan Atèn, li soulve kesyon gwoup etnik tirk kap viv nan Lagrès yo; li lonje dwèt sitou sou mizilman kap viv nan pwovens Thrace yo epi li mande èske yo gen libète pou yo egzèse relijyon yo.