Accessibility links

Afrik: Manifestasyon Anti Kòripsyon nan Peyi Kenya Vire an Vyolans


Gwoup Manifestan kont kòripsyon, nan Nairobi, Kenya Jedi, 3 Nov. 2016.

Manifestasyon kont kòripsyon te vire an vyolans jodi a nan kapital peyi Kenya a, lè moun te wè video kote lapolis t ap bat, pou pi piti, yon jounalis ak yon manifestan, pandan gen lòt moun ankò ki fè konnen yo te sibi atak.

Manifestan kap pwoteste kont koripsyon nan ministè sante piblik, Nairobi, Kenya Jedi, 3 Nov. 2016.
Manifestan kap pwoteste kont koripsyon nan ministè sante piblik, Nairobi, Kenya Jedi, 3 Nov. 2016.

Plizyè santèn manifestan ki tap pote pannkat tankou sa ki di “Konbat Kòripsyon Olye de Aktivis”, e ki te pote mayo ki make “Aji kont Kòripsyon Kounye a oubyen Demisyonnen”, yo te rasanble sou Pak Uhuru nan kapital Kenya a Nairobi pou yo fè tande jan yo fache pou kòripsyon kap ogmante nan gouvènman Prezidan Uhuru Kenyatta a.

Anvan sa nan manifestasyon an, lapolis te koumanse tire gaz lakrimojèn pou kwape manifestan. Kameramann LaVwadlamerik Amos Wangwa te filme jounalis endepandan Derrick Davis ki t-ap pran kout baton kèk polisye.

Sa ki deklannche pwotestasyon an se yon swa dizan eskandal nan Ministè Sante a, kote yon afè 300 milyon dola ta fè wout kwochi, dapre pawòl ki pale.

XS
SM
MD
LG