Accessibility links

Breaking News

Atanta An Seri Nan Paris, Kapital Lafrans; Bilan Pwovizwa: 132 Mò, 352 Blese. Pami yo 99 Blese Grav


Viktim k ap kite teyát Le Bataclan n nan vil Paris, 13 nov. 2015 apre fiziyad ak eksplozyon kamikaz ki fèt divès kote nan kapital fransè a.
Viktim k ap kite teyát Le Bataclan n nan vil Paris, 13 nov. 2015 apre fiziyad ak eksplozyon kamikaz ki fèt divès kote nan kapital fransè a.

Otorite franse yo anonse nèg ame louvri kout zam e pwovoke plizyè eksplozyon Vandredi swa, nan divès rejyon vil Paris, kapital Lafrans. Dapre nouvèl ki sòti nan Egzagòn nan, premye atak la te vize yon restoran nan dizyèm awondisman kapital fransèz la ak yon lòt nan 11 zyèm nan. Nouvo bilan responsab franse yo pibliye dimanch fè konnen 132 moun pèdi lavi yo nan atak teworis yo.

Selon pwokirè vil Paris a, François Molins, 7 prenè otaj mouri jwenn lanmò yo pandan atanta ak priz otaj la. Misye Molins, nan yon konferans pou laprès li bay samdi nan kapital franse, ajoute bilan sa a, malerezman kapab ogmante paske genyen 99 blese sou 352 yo konte an tou ki nan yon eta grav ka p resevwa swen. Misye Molins eksprime yon panse pou viktim yo e l voye senpati ak kondelyans li bay fanmi yo. Li ba yo asirans Repiblik Franse a p fè tout sa k nan pouvwa li pou l garanti e pwoteje yo. E li deklare aksyon sa ranfòse detèminasyon Lafrans pou l goumen kont fleyo ki rele teworism nan.

Prezidan franse a, François Hollande, te ale sou youn nan sit atanta yo (Le Bataclan) kote li deklare fòs sekirite yo touye "teworis yo". Pou lidè franse a, atak sa yo se yon "zak lagè Daesh deklanche kont Lafrans". (Daesh se non franse yo itilize pou gwoup Eta Islamik la)
Misye Hollande di moun ki temwen zak atwosite sa a e ki choke devan li "Nou pral mennen batay la; batay la se pral yon batay san pitye, gason pa kanpe" paske lè teworis yo komèt kalte zak efrayik sa yo, yo dwe konnen yo pra l jwenn devan yo yon Lafrans plen detèminasyon; yon Lafrans ini ansanm-ansanm, yon Lafrans ki pa pral kite yo kraponnen menmsi se jodi a se ak anpil emosyon lap fè as ak dram, ak trajedi sa a ki se yon abominasyon paske se yon zak barbari." Deklarasyon prezidan François Hollande ki dekrete tou 3 jou dèy nasyonal an Frans.

Anvan vizit li sou sit atak la, prezidan Hollande te dekrete Eta Dijans atravè tout tèritwa franse a e fèmen fwontyè peyi a--yon desizyon ki pa genyen presedan nan istwa 5kyèm Repiblik la an Frans.

Temwen rapòte yo wè omwen yon nèg ame (sanble yo te 5 an tou, dapre otorte franse yo) ki te louvri kout zam nan yon restoran nan Dizyèm Awondisman an. E genyen pami yo (omwen 3) ki te genyen jilè chaje ak eksplozif sou yo ke yo pat deklanche.

Nouvèl yo fè konnen teworis yo pwovoke yon eksplozyon bò "Stade De France" la---yon sant spòtif, kote tyon match foutbòl amikal ant Equipe de France la ak L'Allemagne tap dewoule.

Isit Ozetazini, prezidan ameriken an, Barack Obama, pran lapawòl pou l kondane atak la ke l kalifye kòm yon atak "malveyan pou eseye teworize sivil" e'l prezante kondolyeans li bay fanmi viktim yo e bay lidè franse a, prezidan Fraçois Hollande. Misye Obama di li poko pale ak misye Hollande (li konnen ki okipe anpil nan moman sa a) men li eksprime solidarite li ak pèp franse a ki pataje menm valè Libète, Egalite, Fratènite ki chè pou pèp ameriken an.
Gwoup Eta Islamik la revandike atak yo e li deklare atak sa yo se senpleman "koumansman tanpèt la".

XS
SM
MD
LG