Ozetazini, Repibliken yo pran kontwòl sena a ak chanm depite a gras ak yon viktwa lavalas nan eleksyon mitan-manda ki dewoule madi 4 novanm nan . Pwofesè Frantz A Leconte, k ap reponn kesyon Jacquelin Belizaire, kwè rezon demokrat yo echwe nan vòt sa a se paske yo pa fè ase pwopagann pou reyalizasyon administrasyon Obama a.
Mia Love se premye fi repibliken nwa ameriken k ap reprezante Eta Utah nan Kongrè a. Madan Love se premye ameriken dorijin ayisyèn ki eli nan Kongrè a. Prezidan Barack Obama tounen 3èm prezidan ameriken ki te kòmanse manda l ak yon majorite nan 2 chanm yo epi pèdi yo avan fen manda l. Ansyen Prezidan Bill Clinton (D) ak George W Bush (R) se 2 lòt ansyen prezidan ameriken ki te pèdi majorite nan 2 chanm yo avan yo te kite pouvwa a.