Accessibility links

Breaking News

Rankont Kerry/Lavrov sou Sitiyasyon an nan Ikrèn


Sekretè Deta Lèzetazini an, John Kerry (adwat), ki tap rankontre avèk Minis Afè Etranjè ris la, Sergei Lavrov, pou yo te abòde kriz la nan Ikrèn.
Sekretè Deta Lèzetazini an, John Kerry (adwat), ki tap rankontre avèk Minis Afè Etranjè ris la, Sergei Lavrov, pou yo te abòde kriz la nan Ikrèn.
Sekretè Deta ameriken an, John Kerry, twouve l nan vil Lond, kapital britanik la, kote li fè chita-tande ak minis afè etranjè ris la, Sergei Lavrof, sou dosye ikrenyen an. Rankont sa a dewoule nan anbasad amerikèn nan nan La Grand Bretay.

Otorite ameriken yo di yo gen anpil kè sote akoz anviwon 20 mil lòt sòlda rus ki al pran pozisyon sou fwontyè Ikrèn pataje ak Larisi a nan rejyon Krime a; sa vin kreye yon klima enstabilite anvan yon referandòm ki gen pou dewoule dimanch kap vini la a pou konnen si wi ou non Krime ap rete atache ak Ikrèn oubyen si lap pase anba lobedyans Larisi. Mesye Kerry deklare li ale nan vil Lond pou l chache pran tèt lidè ris yo pou yo pran sa l rele “yon pozisyon ki pi rezonab” nan dosye Ikrèn nan . Sekretè Deta a di:

« Prensipal kesyon ki poze a, se konnen si wi ou non Prezidan Putin serye lè lap pale de rechèch yon mwayen pou nou avanse ak pwosesis la pandan nap respekte dwa entènasyonal la. »

Nan moman elektè yo nan Krime kap pare pou referandòm dimanch la, kote yo pral deside si Krime ap rete yon pati nan Ikrèn oubyen si preskil la pou atache ak Federasyon Ris la, Mesye Kerry deklare Lèzetazini ak Inyon Ewòp la pare pou yo jwe wòl yo nan dosye a ; sepandan chèf diplomasi amerikèn nan ensiste pou l di se pa chwa Washington. Olye de sa, administrasyon Obama a prefere yon solisyon kote Larisi respekte dwa entènasyonal la. Nan sans sa a, lidè ewopeyen ak Etazini fè konnen referandòm dimanch la pa konstitusyonèl. Sepandan otorite ris yo di elektè yo nan Krime gen dwa pou yo deside ki avni yo vle bay rejyon an aprè ranvèsman gouvènman an nan Kyèv ki tap dirije avèk apui Larisi -yon gouvènman ki te tonbe mwa pase a.

Avan chita-tande tande chèf diplomasi amerikèn nan fè ak minis afè etranjè Lavrov la, Misye Kerry te rankontre ak minis afè etranjè britanik la, William Hague, e ak premye minis David Cameron.
XS
SM
MD
LG