Accessibility links

5èm Jounen Manifestasyon Anti-Gouvènmantal nan Peyi Tuki

  • Ekip Sèvis Kreyòl VOA

Nan Tuki manifestasyon Pwotestasyon kont gouvènman an kontinye pou yon 5 kyèm jounen pandan la polis antre nan lese-frape avèk pwotestatè yo ni nan vil Ankara ni nan Istanboul.

Nan jou anvan yo, polisye yo te sèvi ak gaz lakrimojèn pou eseye kwape manifestan nan Istanboul tandiske konpayèl yo te sèvi ak brik e ak lòt kalte objè pou monte barikad nan kèk lari nan vil la.

Yon konfederasyon sendikal / ki reprezante apeprè 250 mil moun / nap fè yon grèv 2 jou k ap komanse jodi a pou pwoteste kont sa li rele desant-de-lye la polis fè sou manifestan yo.

Plizyè milye moun defile nan Ankara ak lot vil Turki depi vandredi pase; yo akize premye minis la Erdowan deske l ap chèche enpoze fwa islamik li sou yon nasyon layik.

Premye minis turk Recep Tayyip Erdowan rejte lide ki vle fè komprann manifestasyon sa yo ta gen pou wè mekontantman sektè ki pèdi nan eleksyon, e li di " kalm retabli nan peyi a".

Li akize manifestan yo dèske y ap mache men-nan-men avèk teroris e yo pa gen apwi pifò sitwayen turk yo.

Antretan, vis premye minis Tuki a, Bullent Arinc, prezante ekskiz pou operasyon sere boulon lapolis egzèse kont manifestan yo. Mesye Arinc di li pat jis pou lapolis itilize tout fòs sa a kont moun ki te òganize manifestasyon pwotestasyon yo men li di gouvènman an pa dwe moun ki detwi byen piblik ou k ap anpeche pèp la egzèse libète li okenn ekskiz.

Bò kote pal, prezidan Tuk la, Abdullah Gul, ankouraje sitwayen tuk yo “rete kalm” men li defann dwa yo pou yo pwoteste.

Nan Washington, pòtpawòl Lamezon Blanch la, Jay Carney, di Lèzetazuni gen anpil kè sote devan nouvèl ki fè konnen lapolis te sèvi ak twòp fòs kont manifestan yo e li ankouraje tout pati yo evite vyolans.

Misye Carney di « dwa pou manifeste nan lapè se dwa fondamantal ki egziste nan tout demokrasi ».

Sekretè deta Etaini an, John Kerry, voyemènm mesaj la ki apiye dwa moun pou yo manifete yon fason pasifik.

Chèf diplomasi amerikèn nan, John Kerry deklare :
"Lèzetazini apiye kare-bare libète ekspresyon total ak libète pou moun rasanble--pami yo dwa pou moun òganize manifestasyon pasifik paske se yon dwa fondamantal nan tout demokrasi. E nou gen anpil kè-sote devan nouvèl ki fè konnen lapolis te itilize twòp fòs. Nou sètènman espere pral gen yon ankèt total sou ensidan yo e ke fòs polis yo konpòte yo avèk plis rezèv vizavi kalte ensidan sa yo. E nou ankouraje tout moun ki mele nan manifestasyon yo k ap egzèse dwa libète ekspresyon yo e pou gouvènman an evite tout zak pwovokasyon ki ka dejenere nan vyolans."
XS
SM
MD
LG