Accessibility links

Siri: Masak tou prè vil Damas

  • Ekip Sèvis Kreyòl VOA

Nan peyi Siri, sitwayen yo antere plizyè douzèn kadav dimanch 26 out 2012 la nan moman militan yo di kantite moun ki mouri nan 5 jou masak ki fèt nan yon vil tou prè Damas rive a omwen 320.

Imaj videyo montre yon gwoup viktim yo te pran nan Daraya kote sòlda gouvènman an ap goumen pou yo kraze rebèl yo. Pa gen oken sous endepandan ki te ka konfime ki kantite kadav ki te genyen nan Daraya ni ki lè yo te mouri.

Militan yo di yo idantifye 200 kadav, yo ajoute viktim yo te mouri anba kout kanno oswa anba men sòlda yo ki t ap mache de kay-an-kay pou egzekite sitwayen yo.

Pandansetan, Vis prezidan siryen an, Farouk al-Sharaa parèt an publik pou la premye fwa nan plizyè semèn, sa ki mete fen nan bri ki t ap kouri komkwa msye dezète, li retire kò-l nan gouvènman prezidan Bashar al-Assad la ki nan pwoblèm.

Muzulman sunit la ki gen 73 zan te rankontre ak yon gwo otorite iranyen ki ap vizite Damas.

Dènye fwa yo te wè Sharaa an piblik se te nan yon lantèman leta pou responsab sekirite ki te pèdi la vi-yo nan ekplozyon bonm 18 juyè pase.
XS
SM
MD
LG