Accessibility links

Irak: Yon Atak nan Bagdad Pran Lavi 5 Sòlda Ameriken

  • VOA Nouvèl

(AP Photo/Emad Matti)

Nan Irak, plizyè atak separe touye 5 sòlda ameriken e omwen 13 irakyen. Se jounen ki pi mòtèl pou sòlda ameriken yo nan Irak nan plis ke 2 zan e atak sa a fèt kèk mwa anvan dat ki fikse pou pifò sòlda ameriken –yo soti nan Irak.

Otorite ameriken yo pa bay detay sou lanmò sòlda ameriken yo, men otorite irakyen yo di laprès oksidantal ke ensidan sa a rive nan Bagdad lè wokèt t al frape yon enstalasyon Etazini.

Otorite irakyen yo di yon kamikaz eklate yon machin pyeje nan vil Tikrit ; omwen 13 moun irakyen pou pi piti mouri e 15 lòt blese . Eksplozyon sa a fèt devan yon enstalasyon ki gen plizyè palè ki te bati pandan rejim defen lidè irakyen Saddam Hussein.

Otorite yo di gen yon kolonèl lame ak plizyè sòlda pami moun ki mouri yo. Atak sa a fèt aprè yon seri eksplozyon bonm kowòdone ki te fèt nan vil la vandredi pase e ki touye 21 moun.

Tikrit se kote Saddam Hussein te pran nesans e li sitiye sou yon distans 130 kilomèt o nò kapital la, Baghdad.

XS
SM
MD
LG