Lidè peyi Larisi ak Lend fè konnen se dyalòg ki dwe rezoud mezantant ki genyen sou sèn entènasyonal la akoz pwogram nikleyè iranyen an.
Nan yon deklarasyon premye-minis endyen an, Manmohan Singh, ak prezidan ris la, Dimitri Medvyedyèf, fè parèt ansanm nan New Delhi, yo di Iran gen dwa pou l chache posede enèji nikleyè.
2 lidè yo anonse tou Lend ak Larisi siyen yon seri de akò kowoperasyon nan domèn enèji, komès ak pwodiksyon e echanj pwodui famasetik.
Chèf gouvènman endyen an ak prezidan ris la pale konsa nan moman misye Medvyedyef kòmanse nan peyi Lend yon visit 2 jou k ap mennen li nan vil Moumbay mèkredi 22 desanm 2010 la.