Accessibility links

Breaking News

Yon Tantativ Kou Deta o Venezuela nan Moman Lidè Opozisyon an Mande Konkou Lafòs pou Dechouke Maduro


Sòlda ak popilasyon an ki nan lari nan Karakas touprè baz militè Miranda a. , Generalisimo Francisco de Miranda Airbase "La Carlota" nan Karakas, Venezuela, 30 avril 2019.
Gouvènman Sosyalis Venezuela a di madi 30 avril 2019 la ke, “gen aktivite kap manniganse pou yon kou deta nan Karakas nan moman Juan Guado, opozisyon lidè a ki reklame tèt li prezidan pwovizwa peyi a, pran lari ak plizyè twoup militè li di kap apiye efò pou ranvèse prezidan peyi a Nicolas Maduro.”
Lèzetazini kap sipòte Guaido fè konnen, “ Jodi a, sòlda ki brav yo, patriyòt ki brav yo, gason vanyan yo kap apiye konstitisyon Venezuela a reponn apèl nou.”
Sepandan, minis kominikasyon rejim Maduro a, Jorge Rodriguez, di sou kont Twitter li, “Nou ap demantle yon ti gwoup trèt nan mitan militè nou yo ki chwazi kan e pran pozisyon tou pre yon baz militè yon fason pou yo kapab monte yon kou deta. Nou an alèt mazimòm –byen erezman, fòs nasyonal Bolivaryèn nou an ak tout fyète e bravou yo rive dejwe kou deta a epi konsève lapè nan peyi a."
Solda ki fidèl ak Maduro tire gaz lakrimojèn sou manifestan devan yon baz militè. Men imaj nan televizyon montre sòlda ak sipòtè Guaido nan yon baz ki prèske vid, e kap fè mouvman san yo pa montre okenn ijans.
XS
SM
MD
LG