Accessibility links

O Venezuela Plizyè Moun Deja Pèdi Lavi yo nan Manifestasyon Kap Fèt Kont Pouvwa Nicolas Maduro a

  • Ekip Sèvis Kreyòl VOA

Yon machin kap boule nan mitan lari pandan manifestasyon anti-gouvènman Maduro a nan Karakas, Venezuela, jedi 20 jiyè 2017; opozisyon an te lanse apèl pou yon grèv jeneral pou 24 trè tan. (Foto: AP/Ariana Cubillos)

Nan Venezuela, plizyè mwa manifestasyon kont gouvènman Prezidan Nicolas Maduro a deja debouche sou lanmo anviwon 100 kretyen vivan.

Youn nan ensidan ki rive e ke atire atansyon anpil moun se lanmò yon ti jenonm 15 zan nan afwontman ak polisye venezuelyen yo. èn adolesan sa a pèdi lavi li jedi 20 jiyè 2017 la a pandan yon manifestasyon ki tap dewoule nan eta Zulia, nan pati lwès nasyon amerik di sid la. Yon lòt eleman mouri nan menm kondisyon an tou nan kapital la Karakas, apre li te finn pran 4 bal.

Nan dimanch 16 jiyè 2017, plis pase 7 milyon elektè te patisipe nan yon referandòm ki pat ofisyèl e ke opozisyon an te òganize. Rezilta yo te montre 98 pousan patisipan yo te vote pou yo denonse mank lejitimite rejim Prezidan Nicolas Maduro ap dirije nan Karakas.

Elektè venezuelyen yo te gen pou reponn 3 kesyon fondamantal; konsa yo rejte kategorikman pwopozisyon gouvènman an fè pou l bay peyi a yon kò lejislatif puisan. Prezidan Maduro, bò kote pal, rejte referandòm nan e li konsidere li kòm yon aksyon enkonstitisyonèl.

XS
SM
MD
LG