Prezidan Etazini an, Donald Trump, ki tap pale ak repòtè yo jedi 20 jiyè 2017 la fè konnen gwoup Eta Islamik la ap "tonbe vit." Premye sitwayen ameriken fè deklarasyon sa yon ti tan avan li t ale nan yon reyinyon ak Sekretè Defans la, Jim Mattis nan Pentagòn.
Mesye Trump te rive nan Pentagòn nan pou l tande kontrandi kòmandan militè wo-plase yo, malgre li pa pibliye okenn kalandriye ofisyèl sou rankont sa a.
Reyinyon an te dewoule ak pòt fèmen, men yo te gen pou yo pale sou kantite twoup nan Afganistan, ak efò kap kontinye pou dechouke gwoup teworis Eta Islamik la.