Prezidan Donald Trump konfime nouvèl kòmkwa yon gwo responsab nò koreyen gen pou l vizite vil New York nan kad yon chita-pale ki makònen ak somè kap planifye ant limenm ak lidè Kore di Nò a, Kim Jong Un.
Mesye Trump ekri sou kont Twitter li pou l di: "Lidè adjwen rejim Pyongyang nan Kim Young Chol, sou wout New York kounye a."
Kòk èdtan anvan sa, nouvèl yo te fè konnen vis-prezidan pati ki sou pouvwa a nan Kore di Nò e ansyen direktè sèvis ransèyman militè peyi azyatik la, an palan de Kim Yong Chol te twouve l nan ayewopò entènasyonal Peken an, kapital Lachinn.
Ajans nouvèl Kore di Sid YONHAP fè konnen mesye Kim gen pou l ateri nan New York demen mèkredi 30 me 2018 la.