Accessibility links

Breaking News

Trump Bay Diskou 6 Janvye li a Vag


FILE — Former President Donald Trump prepares to take the stage during his Save America rally in Perry, Ga., Sept. 25, 2021.

Donald Trump ki te gen plan pwononse yon diskou nan eta Florid dat 6 Janvye 2022 a, bay sa vag. Dat 6 janvye vin tounen yon dat istorik kote plizyè manifestan te anvayi kongrè ameriken an nan kapital peyi a.

Plizyè milye patizan prezidan repibliken Donald Trump te pote boure nan Capitol Hill nan jounen 6 janvye 2021-a, yon fason pou atake prezidan chanm bass Nancy Pelosi ak ansyen vis-prezidan Mike Pence an patikilye, nan moman 2 moun sa yo tap eseye sètifye viktwa kandida Joe Biden sou prezidan sòtan Donald Trump nan eleksyon 3 novanm 2020 yo. Foul moun yo te te anvayi polisye ak jounalis, yo te komèt zak kraze brize andedan kongrè a e fè piyay nan biwo palmantè ameriken yo.

Zak vyolans ak zak briganday yo te lakòz 5 moun mouri alòske 138 polisye te blese. Sou bò pa li, lajistis ameriken lanse akizasyon sou plis pase 720 patisipan, epi debouche sou yon dezyèm jijman destistisyon kont prezidan Donald Trump.

Mesye Trump pat sispann fè konprann ke eleksyon yo te chaje ak magouy.

Beth Turbey, ki se yon sipòte ansyen prezidan Repibliken-an deklare:

“ Mwen isit-la poum wè prezidan an ki genyen eleksyon-yo an reyalite, e mwen ta renmen tande sa’l gen poul di nou”.

Mesye Trump tap pare l pou pwononse yon diskou pou patizan li yo dat 6 Janvye-a, men li bay sa vag, kote li di li prefere pale ak sipòte li yo nan yon reyinyon popilè li planifye pou dat 15 janvye 2022 nan eta Arizona.

Jeremi Suri, se yon pwofesè istwa nan nan Inivèsite Texas, nan vil Austin fè konnen, ansyen locatè mezon blanch-la te pase tout ane 2021 ap enfliyanse palmantè ki nan repibliken ki ap mache avel yo.

“ Lap eseye limite aksè pou moun vote nan eta ki genyen yon popilasyon divèsifye tankou eta Jorji ak Texas. Lap gade pou l wè si depite Jim Jordan ak depite Marjorie Taylor Greene kapab eli lejislatè ki nan menm tandans avek yo. Depite ki pral fè bagay tankou anpeche imigran antre nan peyi a. Epi retire peyi a nan Lotan. Ajanda prezidan Trump la, se yon ajanda ki gen objektif pou mete Etazini an premye.

Prezidan Joe Biden ap prepare pou pwononse yon diskou nan apremidi 6 janvye 2022 devan Kongrè a dapre sa potpawol Lamezonblanch Jen Psaki deklare. Li di ke Biden pral pale sou responsablite Trump nan evènman 6 janvye yo, e reponsablite li anvè peyi-a.

Gen posiblite pou prezidan Trump diskite avek patizan l yo sou kek pawòl Prezidan Biden gen poul di demen yo, nan reyinyon popilè li a ki gen poul òganize 15 janvye pwochen yo nan eta Arizona.

XS
SM
MD
LG