Accessibility links

Prezidan Donald Trump Retounen Ozetazini Apre yon Vwayaj 12 Jou ann Azi

  • Ekip Sèvis Kreyòl VOA

Pezidan ameriken an, Donald Trump, ki tap monte abò avyon Air Force One nan apre li te fin patisipe nan Somè Lès Azi a madi 14 novanm 2017 la nan Manila, Filipin.

Prezidan Donald Trump retounen Ozetazini madi 14 novanm nan apre yon virewon 12 jou nan 5 peyi sou kontinan azyatik la kote li abòde kesyon ki gen rapò ak, antwòt, echanj komèsyal ak dosye Kore Dinò a. Pandan toune sa a, lidè ameriken an te patisipe nan somè Koperasyon Ekonomik Azi Pasifik(APEC) nan Vyetnam ak somè Asosyasyon Peyi Azi Sidès yo (ASEAN) nan Filipin.

Prezidan Trump kite Filipin pi bonè pase sa moun te espere san li pa asiste seyans plenyè somè Asosyasyon Peyi Azi Sidès la ki gen 18 manm. Msye Trump anonse li pral mete devan piblik la, mèkredi 15 novanm 22017 la nan Lamezon Blanch, yon mesaj enpòtan sou echanj komèsyal ak menas pwogram zam nikleyè Kore Dinò poze.

Prezidan Trump eksprime satisfaksyon li pou akèy li te resevwa pandan virewon azyatik sa a malgre manifestasyon ki dewouke kont li nn kèk peyi sou kontinan an. Li te vizite Japon, Kore Disid, Lachin, Vyetnam ak Filipin.

XS
SM
MD
LG