Accessibility links

Gwoup Eta Islamik la Revandike Atak nan Bwat De Nui Istanboul a nan Tirki Jou Premye Janvye 2017 la

  • Ekip Sèvis Kreyòl VOA

Antèman viktim nan atak Istanboul, Tirki. 2 janvye 2017. (Foto: AP/Emrach Gurel)

Yon endividi ame antre nan yon nay klèb nan Istanboul peyi Tirki bonè dimanch premye janvye 2017 la kote li touye 39 moun e blese 70 lòt. Otorite tirk yo fè konnen yo kontinye ap chache endividi sa ki rive chape poul li apre atak la.

Yon ajan polis kap gade foto viktim atak ak zam ki te fèt nan yon bwat de nui nan Istanboul, Tirki premye janvye 2017. Foto: 2 janvye 2017.
Yon ajan polis kap gade foto viktim atak ak zam ki te fèt nan yon bwat de nui nan Istanboul, Tirki premye janvye 2017. Foto: 2 janvye 2017.

Gwoup eta islamik la pran responsabilite pou atak sa a, jodi lendi 2 janvyw a. Gwoup la fè konnen se yon sòlda kalifa a ki egzekite fiziyad la. Atak la te tanmen byen bonè dimanch maten, lè yon eleman ame te ouvè kout zam sou yon polisye ak yon sivil devan bwat de nui an anvan li te pote boure andedan an e kòmanse tire san gade dèyè.

Te genyen anviwon 600 moun nan nay klèb la nan moman an, e kèk ladan yo te sote nan detwa Bosfòr la, yon fason pou chape anba fiziyad la.

XS
SM
MD
LG