Mouvman Taliban an fè konnen se li menm –e non pa gouvènman Pakistanè a-- k ap dirije rezo Haqqini an ki, daprè otorite ameriken yo, responsab anpil atak ki vize sitwayen ameriken ak enterè Lèzetazini nan Afganistan.
Mouvman Taliban an fè deklarasyon sa a aprè Lèzetazini te lye sèvis espyonaj pakistanè a ak atak sa yo.
Deklarasyon an parèt sou sit-entènèt Taliban an kote moun kapab li:
« Tout aktivite rebèl ki dewoule yo se inisyativ nou e se aksyon ke nou menm, nou poze. »
Deklarasyon an fini pa di pa genyen oken rapò ant rezo Haqqini an avèk ISI, ki se sèvis espyonaj Pakistanè a.