Accessibility links

Espay: Kèk Sispèk nan Atak Baselòn nan Konparèt Devan Lajistis

  • Ekip Sèvis Kreyòl VOA

3 nan sispèk atak Baselòn nan.

Yon sispèk otorite espayòu arete nan kad atak teworis semèn pase a deklare madi 22 out 2017 la bay yon tribinal nan vil Baselòn gwoup latèrè a ap planifye pou lanse yon pi gwo atanta ak eksplozif, dapre kèk sous jidisyè.

Nonm yo te arete a yon jou apre atak la, an palan de Mohamed Houli Chemlal, se premye nan 4 sispèk ki gen pou bay depozisyon pandan jounen madi swa yon jou apre la polis fin ouvè kout zam e touye nèg otorite yo kwè ki tap kondi kamyonèt ki te enplike nan atanta a.

Responsab lapolis yo di selil 12 moun nan gen arevwa ak atak la, e ke 8 nan sispèk yo swa deja mouri anba bal oubyen pèdi lavi yo nan eksplozyon ki te fèt pa aksidan nan enstalasyon kote yo tap fabrike bonm yo 24 trè anvan yo te komèt zak mòtèl yo a.

XS
SM
MD
LG