Accessibility links

Nan Afrik di Sid, Prezidan Jacob Zuma Chape de Jistès Anba yon Vòt Non-Konfyans

  • Ekip Sèvis Kreyòl VOA

Prezidan Afrik di Sid la, Jacob Zuma.

198 sou 384 manm palman an vote pou yo kraze pwopozisyon opozisyon an te fè pou dechouke Misye Zuma; 9 palmantè asteni yo

Nan Afrik di Sid, Prezidan Jacob Zuma, kap fè fas ak anpil difikilte, rive chape de jistès anba yon 8èm tantativ palman an fè pou wete l sou pouvwa a ak yon vot non-konfyans.

Manifestasyon kont Prezidan Afrik di Sid la, Jacob Zuma, nan Cape Town, lendi 7out 2017. Afrik di Sid
Manifestasyon kont Prezidan Afrik di Sid la, Jacob Zuma, nan Cape Town, lendi 7out 2017. Afrik di Sid

Apre preske 5 kèdtan deba, vòt ak dekont vwa, yon majorite 198 sou yon total 384 palmantè vote pou yo kraze pwopozisyon opozisyon an te fè pou dechouke Misye Zuma; sa vle di gen 177 depite ak senatè ki vote pou mande l remèt pouvwa a. Mosyon an te bezwen 201 vwa pou l te pase. 9 manm palman an asteni yo -sa vle di yo pa di si yo ni POU ni KONT-nan yon vòt ki te dewoule an sekrè.

Menm si rezilta vòt la vle di Prezidan Zuma pral rete sou pouvwa a, gwo kantite palmantè ki vote kont li yo se yon siyn ki anonse li pral fè fas ak anpil difikilte pandan 4 mwa ki rete pou pati ki sou pouvwa a, Kongrè Nasyonal Afiken an (KNA), chwazi nouvo lidè li nan mwa desanm 2017 la. Nan dènye tou eleksyon ki te dewoule nan ane 2016 la, KNA a te pèdi 3 gwo sikonskripsyon, sitou paske Misye Zuma pa sispann pèdi popilarite mete sou yon seri de eskandal koripsyon.

XS
SM
MD
LG