Somè gwoup G-8 la ap dewoule nòmalman nan Lafrans, kote lidè peyi ki pi rich sou planèt la ap diskute sou yon seri kesyon mondyal, pami mouvman rebelyon ki dekrete nan Mwayen-Noryan ak Afrik Dinò a.
Prezidan Etazini an, Barack Obama , ap itilize rankont sila a pou l relanse apèl pou asistans entènasyonal anfavè peyi nan rejyon an k ap chache adopte refòm politik e ekonomik.
Youn nan konseye ekonomik lidè ameriken an, David Lipton, deklare bay laprès vandredi 27 me 2001 la ke Lèzétazini konsidere diskisyon sou Mwayen-Noryan ak Afrik Dinò, kòm dosye ki pi enpòtan li dwe rezoud pandan somè a.
Li kontinye pou l di gwoup G-8 la pral kòmanse chita-pale sou kesyon an pandan yon dine nan sware a, anvan yo rankontre ak premye minis Ejipt ak Tunizi epi sekrete jeneral lig arab la.