Accessibility links

Siri: L’ONU Denonse Disparisyon Plizyè Palestinyen – Avètisman Tiki

  • VOA Nouvèl

Minis afè etranjè Tiki a Ahmet Davutoglu

Yon ajans Nasyonzini fè konnen genyen jiska 10 mil palestinyen ki disparèt apre yo te kouri kite yon kan refijye nan Tatakia, yon vil nan Siri ki bay sou lanmè e kote fòs sekirite peyi a pase plizyè jou ap lanse atak ki fè anpil mò.

Pòtpawòl Ajans Nasyonzini pou Sekou ak Travay la, Chritopher Gunness -ki t ap pale ak VOA madi 16 out 2011 la, fè konnen refijye yo te kouri kite kan an anba gwo kout-zam e ajans la pa konnen ditou ki kote yo pase.

Misye Gunness di :

“Zye a zòrèy lemond ap swiv. Genyen presyon diplomatiik k ap fèt, genyen presyon politik e m ta vle kwè genyen kèk presyon moral k ap fèt tou, paske batay sa a, atak sa a sou yon kan refijye, fèt pou li sispann. “

An palan de presyon k ap fèt sou gouvènman siryen an, minis afè etranjè Tiki a, Ahmet Davutoglu, fè konnen peyi Ii voye yon dènye avètisman bay Damas pou di li operasyon militè gouvèmman prezidan Bashar al-Assad la ap lanse kont sivil yo: “Fèt pou sispann imedyatman e san kondisyon.”

Misye Davutoglu deklare:

“Sòlda siryen yo dwe pati kite vil yo e lavi dwe retounen nan nòmal li. Si operasyon militè sa yo pa sispann, p ap gen okenn negosyasyon ankò sou pwochen etap nou pral franchi a. Nou mande yon fen nan operasyon sa yo e nou atann nou aske yo sispann.”

Lendi 17 out la se 3èm jou lame siryèn nan pase ap lanse atak kont pozisyon disidan anti-gouvènmantal yo nan vil Latakia.

XS
SM
MD
LG