Accessibility links

Etazini-Sekirite / Obama Mande Ranfòsman Efò kont Gwoup Eta Islamik la.

  • Ekip Sèvis Kreyòl VOA

Prezidan Barack Obama (nan mitan) avèk Sekretè Deta John Kerry (agoch) e Minis Defans Ash Carter (adwat) pandan yo tap monte sou yon podium kote lidè ameriken an ta pral pale ak laprès aprè yon rankont Konsèy Sekirite Nasyonal la (National Security Council -NSC) nan Depatman Deta a, nan Washington. Dat: 25 fevriye 2016.

Ozetazini, Prezidan Barack Obama fè konnen, menmsi efò Lèzetazini ap dirije pou konbat Gwoup Eta Islamik la reyalize pwogrè, batay la rete difisil toujou e li pase manm ekip sekirite nasyonal li a enstriksyon pou yo ranfòse efò yo.

Misye Obama fè deklarasyon sa a nan sware jedi 25 fevriye 2016 la, swa 2 jou anvan yon akò seselfe antre an aplikasyon ant pati belijeran yo nan Siri. Daprè sa Prezidan ameriken an di, akò sa a genyen yon bon jan chans pou l pote yon lapè dirab nan Siri. Misye Obama di:

"Se pral yon tès kap montre si pati konsène yo enterese vrèman nan negosyasyon. Pwosesis ki sòti nan antant Jenèv la, se yon pwosesis ki trè klè: Se yon tranzisyon ki ta dwe debouche sou yon gouvènman ki pi reprezantatif, ak patisipasyon plis sektè. Li prevwa tou yon nouvo konstitisyon epi eleksyon lib. Map repete ankò : Mwen si e sèten sa bay yon avni ki pap genyen Bashar al-Assad ladan n.”

Seselfe nan Siri a dwe antre an aplikasyon vandredi a minui. Li fè pati yon efò elaji ki fèt sou patwonaj Lèzetazini ak lòt peyi manm Gwoup Entènasyonal Apui pou Siri a.

XS
SM
MD
LG