Accessibility links

Yon Nonm nan Texas Ap Fè Fas ak yon Santans Prizon Avi pou Transpòtasyon Imigran Ilegal

  • Ekip Sèvis Kreyòl VOA

James Mathew Bradley Jr ki gen 60 lane sou tèt li se moun Clearwater nan Florid. Li se chofè kamyon trelè ke yo te jwenn 8 moun mouri ladan nan lakou makèt Walmart la. Yo arete li kote li gen pou reponn kesyon yon jij federal nan San Antonio. (Foto:AP/Eric Gay) 24 jiyè 2017.

Yon chofè kamyon ke otorite yo sispèk nan yon operasyon kontrebann ki lakoz 10 moun pèdi lavi yo tonbe anba akizasyon nan Eta Texas kòmkwa li t ap transpòte imigran ilegalman, dapre yon dokiman tribinal ki parèt lendi 24 jiyè 2017 la.

Polis yo nan San Antonio, Texas ki sou sèn kote yo te jwenn 8 moun mouri nan yon trelè nan lakou Walmart la. Otorite yo kalifye aksyon trafik moun sa a kòm yon aktivite malonèt
Polis yo nan San Antonio, Texas ki sou sèn kote yo te jwenn 8 moun mouri nan yon trelè nan lakou Walmart la. Otorite yo kalifye aksyon trafik moun sa a kòm yon aktivite malonèt

Akize a ki gen 60 lane, e yo idantifye l kòm James Bradley Jr, ki se moun Eta Florid, ap fè fas ak yon santans prizon avi, dapre otorite yo. Lapolis arete l dimanch 23 jiyè 2017 la, nan vil San Antonio, apre otorite yo te jwenn kadav 8 moun dèyè traktè trelè nan pakin yon makèt yo rele Walmart.

XS
SM
MD
LG