Accessibility links

Chèf diplomasi Amerikèn nan Rex Tillerson, Voye yon Mesaj Bay Kore di Nò pou l di 'Nou pa Lennmi'

  • Ekip Sèvis Kreyòl VOA

Chèf Diplomasi Amerikèn nan, Rex Tillerson.

Nan moman Lamezon Blanch kontinye ap di tout opsyon yo toujou sou tab la pou frennen pwogram misil balistik ak pwogram nikleyè Pyongyang yo Chèf Diplomasi Amerikèn nan, Rex Tillerson, fè konnen Kore di Nò ak Lèzetazini pa ennmi.

Pandan yon pwend près Mesye Tillerson tap bay nan Depatman Deta madi 1 out 2017 la li di Lèzetazini pap chache yon chanjman rejim nan nasyon azyatik la, nou pap chache okenn efondreman, nou pap chache yon re-inifikasyon akselere pou 2 Kore yo, e nou pap eseye jwenn yon ekskiz nonplis tou pou deplwaye sòlda ameriken nan pati nò 38 tyèm paralèl la.

Malgre Sekretè Deta Rex Tillwerson di li konsidere Kore di Nò kòm yon menas inakseptab pou Lèzetazini, li presize pou l di:

"Nou espere--nan yon sètèn mezi--yo pral kòmanse konprann ke nou ta byen renmen chita pou fè dyalòg ak responsab nò koreyen yo."

XS
SM
MD
LG